மழை பாதித்த ஆட்டத்தில் குஜராத் 'த்ரில்' வெற்றி

ஐபிஎல் போட்டியின் 56-ஆவது ஆட்டத்தில் குஜராத் டைட்டன்ஸ் 3 விக்கெட்டுகள் வித்தியாசத்தில் 'டக்வொர்த் லீவிஸ்' முறையில் மும்பை இண்டியன்ஸை செவ்வாய்க்கிழமை வென்றது.

- 

மும்பை, மே 6: ஐபிஎல் போட்டியின் 56-ஆவது ஆட்டத்தில் குஜராத் டைட்டன்ஸ் 3 விக்கெட்டுகள் வித்தியாசத்தில் 'டக்வொர்த் லீவிஸ்' முறையில் மும்பை இண்டியன்ஸை செவ்வாய்க்கிழமை வென்றது.

முதலில் மும்பை 20 ஓவர்களில் 8 விக்கெட்டுகள் இழப்புக்கு 155 ரன்கள் எடுத்தது. குஜராத் இன்னிங்ஸ் மழையால் இரு முறை பாதிக்கப்பட, டக்வொர்த் லீவிஸ்' முறையில் அந்த அணிக்கு 19 ஓவர்களில் 147 ரன்கள் வெற்றி இலக்காக நிர்ணயிக்கப்பட்டது. குஜராத் 19 ஓவர்களில் 7 விக்கெட்டுகள் இழந்து இலக்கை அடைந்து வெற்றி பெற்றது.

முன்னதாக டாஸ் வென்ற குஜராத், ஃபீல்டிங்கை தேர்வு செய்தது. மும்பை இன்னிங்ஸில் ரயான் ரிக்கெல்டன் 2, ரோஹித் சர்மா, 7 ரன்களுக்கு சாய்க்கப்பட்டனர்.