பேச்சு எனது மூச்சு!

"வரும் கல்வியாண்டில் பத்தாம் வகுப்புக்குச் செல்கிறேன். படிப்பில் முழு அளவில் கவனம் செலுத்தினாலும், பிற திறமைகளைத் தொடர்ந்து மேடையேற்றி வருவேன். பேச்சுதான் எனது வாழ்நாள் மூச்சு" என்கிறார் ஷே.தமனா ரோஸ்னி.

- பொ.ஜெயச்சந்திரன்

வரும் கல்வியாண்டில் பத்தாம் வகுப்புக்குச் செல்கிறேன். படிப்பில் முழு அளவில் கவனம் செலுத்தினாலும், பிற திறமைகளைத் தொடர்ந்து மேடையேற்றி வருவேன். பேச்சுதான் எனது வாழ்நாள் மூச்சு" என்கிறார் ஷே.தமனா ரோஸ்னி.

தமிழ்நாடு பள்ளிக்கல்வித் துறை சார்பில், சென்னை அண்ணா அறிவாலயத்தில் அண்மையில் நடைபெற்ற மாநில அளவிலான இலக்கிய மன்றப் பேச்சுப் போட்டியின்போது, 'பாலின சமத்துவம்', 'உணவே மருந்து' ஆகிய தலைப்புகளில் பேசி முதலிடம் பெற்றவர் ஷே.தமனா ரோஸ்னி. இவருக்கு மதுரை இலக்கிய மன்றம் சார்பில் 'மகளிர் சுடரொளி' விருது உள்ளிட்ட பல்வேறு விருதுகளும், பாராட்டுகளும் வழங்கப்பட்டு வருகின்றன.

அவரிடம் பேசியபோது:

"நான் 2011 ஜனவரி 5-இல் பிறந்தேன். புதுக்கோட்டை மாவட்டம் வடகாடு அருகில் உள்ள புள்ளான்விடுதி எனும் கிராமம்தான் எனது சொந்த ஊர். எனது பெற்றோர் ஷேக் முகம்மது, ஷர்மிளா.