படைப்பாளிகளை அடையாளம் கண்டு விருது வழங்க வேண்டும்

படைப்பாளிகளை அடையாளம் கண்டு விருது வழங்க வேண்டும் என்று உச்சநீதிமன்ற நீதிபதி அரங்க. மகாதேவன் கூறினார்.

- 

சென்னை, ஏப். 16:

கவிதை, சிறுகதை, நாவல், கட்டுரை, நாடகம், மொழிபெயர்ப்பு, ஆராய்ச்சி நூல்கள், கவின் கலை, விமர்சனம் என இலக்கியத்துறையில் பல்லாண்டுகளாகத் தங்கள் பங்களிப்பை வழங்கிவரும் படைப்பாளர்களுக்கு முன்றில் இலக்கிய அமைப்பு சார்பில் ஆண்டுதோறும் பன்முகப் படைப்பாளர் மா.அரங்கநாதன் இலக்கிய விருதுகள் கடந்த 2018 முதல் ஏப்.16-ஆம் தேதி வழங்கப்பட்டு வருகின்றன.

நிகழாண்டு இலக்கியப் பேராளுமையாகத் திகழும் எழுத்தாளர் தமிழவன் மற்றும் பன்முகப் படைப்பாளரான ப.திருநாவுக்கரசுக்கு ‘மா.அரங்கநாதன் இலக்கிய விருது 2025 வழங்கப்படும் என அறிவிக்கப்பட்டது.

சென்னை அண்ணாசாலையில் உள்ள ராணி சீதை அரங்கத்தில் புதன்கிழமை நடைபெற்ற விருது வழங்கும் விழாவில், உச்சநீதிமன்ற நீதியரசர் அரங்க. மகாதேவன் சிறப்பு விருந்தினராகக் கலந்துகொண்டு எழுத்தாளர்கள் தமிழவன், ப.திருநாவுக்கரசு ஆகியோருக்கு மா.அரங்கநாதன் விருது வழங்கி, ‘முன்றில்’ வலைதளங்களையும் வெளியிட்டார்.