உலக வில்வித்தை: தீரஜுக்கு வெண்கலம்; ஆடவரணிக்கு வெள்ளி

அமெரிக்காவில் நடைபெற்ற உலகக் கோப்பை வில்வித்தை (ஸ்டேஜ் 1) போட்டியில் இந்தியா மேலும் 1 வெண்கலம் மற்றும் வெள்ளிப் பதக்கத்தை திங்கள்கிழமை வென்றுள்ளது.

- 

அபர்ன்டேல், ஏப். 14: அமெரிக்காவில் நடைபெற்ற உலகக் கோப்பை வில்வித்தை (ஸ்டேஜ் 1) போட்டியில் இந்தியா மேலும் 1 வெண்கலம் மற்றும் வெள்ளிப் பதக்கத்தை திங்கள்கிழமை வென்றுள்ளது.

ஆடவர் ரீகர்வ் தனிநபர் பிரிவில் வெண்கலப் பதக்கச் சுற்றில் இந்தியாவின் தீரஜ் பொம்மதேவரா 6-4 என்ற கணக்கில் ஸ்பெயினின் ஆண்ட்ரெஸ் டெமினோ மெடியெலை வீழ்த்தி பதக்கத்தை தனதாக்கினார். முன்னதாக இந்தப் பிரிவின் அரையிறுதியில் தீரஜ் 1-7 என்ற கணக்கில் உலகின் 4-ஆம் நிலை வீரரும், பாரீஸ் ஒலிம்பிக்கில் வெள்ளி வென்றவருமான ஜெர்மனியின் ஃபுளோரியன் அன்ருவிடம் தோல்வி கண்டார்.