பாலியல் வன்கொடுமை: அலாகாபாத் உயர்நீதிமன்ற சர்ச்சை கருத்துக்கு உச்சநீதிமன்றம் தடை

மனிதத்தன்மையற்றது' என அதிருப்தி

- 

புது தில்லி, மார்ச் 26: பாலியல் வன்கொடுமை குறித்து விளக்கம் மளித்து, அலாகாபாத் உயர்நீதிமன்றம் அண்மையில் தெரிவித்த சர்ச்சை கருத்துகளுக்கு உச்சநீதிமன்றம் புதன்கிழமை தடை விதித்தது.

இக்கருத்துகள் மனிதத்தன்மையற்றது; இரக்கசிந்தனையில்லாதது என்று உச்சநீதிமன்றம் கடும் அதிருப்தி தெரிவித்துள்ளது.

மேலும், தாமாக முன்வந்து விசாரிக்கப்படும் இந்த விவகாரத்தில் மத்திய அரசு, உத்தரப் பிரதேச அரசு மற்றும் அலாகாபாத் உயர்நீதிமன்ற வழக்கில் சம்பந்தப்பட்ட தரப்பினர் பதிலளிக்க உச்சநீதிமன்றம் நோட்டீஸ் அனுப்பியுள்ளது.

உத்தரப் பிரதேசத்தின் காஸ்கஞ்ச் நகரில் கடந்த 2021-இல் 14 வயது சிறுமியை 'லிஃப்ட்' கொடுப்பது போல் அழைத்துச் சென்று, பவன், ஆகாஷ் ஆகியோர் பாலியல் ரீதியாக தவறாக நடந்துகொண்டனர். இது தொடர்பாக அவர்கள் மீது பாலியல் வன்கொடுமை வழக்கு பதிவு செய்யப்பட்டது.