அரசுப் பள்ளி மாணவர்களுக்கு அடுத்த ஆண்டு முதல் அரசு மருத்துவக் கல்லூரியிலேயே 10% இடஒதுக்கீடு

10 சதவிகிதம் இட ஒதுக்கீட்டில் தேர்ந்தெடுக்கப்படும் அரசு பள்ளி மாணவர்களுக்கு அடுத்த ஆண்டு முதல் அரசு மருத்துவக் கல்லூரியில் மட்டும் இடம் ஒதுக்கீடு செய்யப்படும் என்று புதுவை முதல்வர் என்.ரங்கசாமி வியாழக்கிழமை அறிவித்தார்.

- 

புதுச்சேரி, செப். 4:

புதுவை அரசு பள்ளிக் கல்வி இயக்ககம் சார்பில் ஆசிரியர் திருநாள் விழா காமராஜர் மணிமண்டபத்தில் வியாழக்கிழமை நடைபெற்றது. இதில் பல்வேறு பிரிவுகளில் 21 ஆசிரியர்களுக்கு மாநில நல்லாசிரியர் விருதுகளை வழங்கி முதல்வர் ரங்கசாமி பேசியது:

அரசு பள்ளிகளில் படிக்கும் மாணவர்களுக்கு 10 சதவிகித இட ஒதுக்கீடு வழங்கி மருத்துவக் கல்லூரிகளில் சேர்க்கை அளிக்கப்படுகிறது. இந்த ஒதுக்கீட்டில் இடம் கிடைக்கும் மாணவர்கள் சிலர் தனியார் மருத்துவக் கல்லூரிகளில் அரசு ஒதுக்கீட்டின் கீழ் சேர்க்கப்படுகின்றனர்.