இந்தியா வளர்ந்த நாடாக உயர்கல்வி சேர்க்கையை 60 சதவீதமாக உயர்த்த வேண்டும்: விஐடி வேந்தர் கோ.விசுவநாதன்

இந்தியா வளர்ந்த நாடாக மாற வேண்டுமெனில் உயர்கல்வி சேர்க்கை விகிதத்தை 60 சதவீதம் என்ற அளவுக்கு உயர்த்த வேண்டும் என்று விஐடி வேந்தர் கோ.விசுவநாதன் தெரிவித்தார்.

- 

வேலூர், ஜூலை 19:

வேலூர் விஐடி பல்கலைக்கழகத்தில் அரசு மேல்நிலைப் பள்ளிகளில் அதிக மதிப்பெண் பெற்றவர்களுக்கு இலவசமாக உயர்கல்வி வழங்கும் ஸ்டார்ஸ் திட்டத்தில் சேர்க்கை பெற்ற 102 மாணவர்களுக்கான அறிமுக நிகழ்ச்சி சனிக்கிழமை நடைபெற்றது. நிகழ்ச்சிக்கு, விஐடி வேந்தர் கோ.விசுவநாதன் தலைமை வகித்து மாணவர்களுக்கு சேர்க்கை கடிதம், மடிக்கணினி வழங்கிப் பேசியது:

விஐடி பல்கலைக்கழகத்தின் ஸ்டார்ஸ் திட்டம் தமிழகத்தின் அனைத்து மாவட்டங்களிலும், ஆந்திரம், மத்தியபிரதேச மாநிலங்களிலும் நடைமுறையில் உள்ளது. கல்விக்கு மாநில அரசுகள் 75 சதவீதம் செலவு செய்யும் நிலையில், மத்திய அரசு 25 சதவீதம்தான் செலவு செய்கிறது.