தடையை மீறி போராட்டம் என்பது அரசியல் கட்சிக்கு அழகல்ல

சீமானுக்கு உயர்நீதிமன்றம் கண்டனம்

- 

மதுரை, ஜூலை 9: சிவகங்கை மாவட்டம், மடப்புரம் கோயில் காவலாளி அஜித்குமார் மரணம் தொடர்பாக தடையை மீறி போராட்டம் என்பது அரசியல் கட்சிக்கு அழகல்ல என்று நாம் தமிழர் கட்சியின் தலைமை ஒருங்கிணைப்பாளர் சீமானுக்கு சென்னை உயர்நீதிமன்ற மதுரை அமர்வு புதன்கிழமை கண்டனம் தெரிவித்தது.

நாம் தமிழர் கட்சியின் மாநில ஒருங்கிணைப்பாளர் ஈஸ்வரன் உயர்நீதிமன்ற மதுரை அமர்வில் தாக்கல் செய்த மனு: மடப்புரம் கோயில் காவலாளி அஜித்குமார் மரணம் தொடர்பாக நீதி கேட்டும், கொலைக்கு கண்டனம் தெரிவித்தும் ஜூலை 8-ஆம் தேதி திருப்புவனம் சந்தை திடலில் ஆர்ப்பாட்டம் நடத்த திட்டமிட்டிருந்தோம். சீமான் கலந்துகொள்ளும் இந்த ஆர்ப்பாட்டத்துக்கு அனுமதி வழங்கக் கோரி மானாமதுரை காவல் துணைக் கண்காணிப்பாளர் அலுவலகத்தில் விண்ணப்பித்தோம். ஆனால், அனுமதி மறுத்து உத்தரவு பிறப்பித்தனர். எனவே, ஆர்ப்பாட்டம் நடத்த அனுமதி வழங்கி உத்தரவிட வேண்டும் என அவர் கோரியிருந்தார்.