நாமக்கல்- பரமத்திவேலூர் தேசிய நெடுஞ்சாலையில் விபத்து பகுதிகளில் ஆட்சியர் ஆய்வு

நாமக்கல் பரமத்திவேலூரில் தேசிய நெடுஞ்சாலை பகுதியில் ஞாயிற்றுக்கிழமை விபத்து நடைபெற்ற இடத்தை பார்வையிட்டு மாவட்ட ஆட்சியர் ச.உமா ஆய்வு மேற்கொண்டார்.

- 

நாமக்கல், ஜூன் 9:

நாமக்கல்-கரூர் தேசிய நெடுஞ்சாலையில், பிஎஸ்என்எல் அலுவலகம் அருகில் ஞாயிற்றுக்கிழமை சாலையோரம் நின்ற வாகனம் மீது அவ்வழியாக வந்த கன்டெய்னர் லாரி மோதியது. இதில் வாகனத்தில் பயணித்த 4 ஆண்கள், 2 பெண்கள், 2 குழந்தைகள் (1 ஆண், 1 பெண்) என 8 பேர் பலத்த காயமடைந்தனர். இவர்களில், ஆண் மற்றும் பெண் என இருவர் இறந்துவிட்டனர். காயமடைந்த 6 பேர் தீவிர சிகிச்சைக்காக தனியார் மருத்துவமனைக்கு கொண்டுசெல்லப்பட்டனர்.