எடப்பாடி கே.பழனிசாமி பிறந்த நாள்: அதிமுக சார்பில் ரத்த தான முகாம்

எடப்பாடி கே.பழனிசாமி பிறந்த நாளை முன்னிட்டு, நாமக்கல் மாவட்ட அதிமுக சார்பில் ரத்த தான முகாமை முன்னாள் அமைச்சரும், மாவட்டச் செயலாளருமான பி.தங்கமணி ஞாயிற்றுக்கிழமை தொடங்கி வைத்தார்.

- 

நாமக்கல், மே 11:

முன்னாள் முதல்வரும், அதிமுக பொதுச் செயலாளருமான எடப்பாடி கே.பழனிசாமி 71-ஆவது பிறந்த நாள் விழா திங்கள்கிழமை கொண்டாடப்படுகிறது. இதையொட்டி, நாமக்கல் மாவட்ட அதிமுக தகவல் தொழில்நுட்ப அணி, அண்ணா தொழிற்சங்கம், மாவட்ட மாணவர் அணி ஆகியவை சார்பில் மாவட்ட அதிமுக அலுவலகத்தில் ரத்ததான முகாம், மரக்கன்றுகள் நடும் நிகழ்ச்சி ஞாயிற்றுக்கிழமை நடைபெற்றன.

இதில், மாவட்டச் செயலாளரும், முன்னாள் அமைச்சருமான பி.தங்கமணி பங்கேற்று 71 கிலோ கேக் வெட்டி தொண்டர்களுக்கு வழங்கினார். அதன்பிறகு, எம்ஜிஆர், ஜெயலலிதா உருவப்படங்களுக்கு மலர்கள் தூவி மரியாதை செலுத்தினார்.