ஆபரேஷன் சிந்தூர்: ஆளுநர், முதல்வர், தலைவர்கள் வரவேற்பு

பாகிஸ்தானுக்கு எதிரான இந்திய ராணுவத்தின் 'ஆபரேஷன் சிந்தூர்' நடவடிக்கைக்கு ஆளுநர் ஆர்.என்.ரவி, முதல்வர் மு.க.ஸ்டாலின் மற்றும் தலைவர்கள் வரவேற்றுள்ளனர்.

- 

சென்னை, மே 7:

ஆளுநர் ஆர்.என்.ரவி: 'பாரத தாய் வாழ்க'! ஆபரேஷன் சிந்தூர் - இது தொடக்கம் தான்.

முதல்வர் மு.க.ஸ்டாலின்: தீவிரவாதத்துக்கு எதிரான போரில் தமிழ்நாடு இந்திய ராணுவத்துடன் நிற்கிறது. நமது ராணுவத்தினருடன், நமது நாட்டுக்காக, தமிழ்நாடு உறுதியாக நிற்கிறது.

எடப்பாடி கே.பழனிசாமி (அதிமுக): பயங்கரவாதிகளுக்கு எதிராகத்தான் நமது போர் என்று தெளிவாக வரையறுத்து, பொதுமக்களுக்கு பாதிப்பின்றி, பயங்கரவாதிகளின் முகாம்களை தகர்த்தெறிந்து, 'ஆபரேஷன் சிந்தூரை' வெற்றிகரமாக முடித்த இந்திய ராணுவப் படையின் தீரம் பெருமைக்குரியது. தீரமிக்க பதிலடியை முன்னின்று அளித்த பிரதமர் மோடியின் தலைமையிலான மத்திய அரசுக்கு பாராட்டுகள்.