பிரியன்ஷ் சாதனையுடன் வென்றது பஞ்சாப்

போராடி வீழ்ந்தது கொல்கத்தா

- 

கொல்கத்தா, ஏப். 8: ஐபிஎல் போட்டியின் 21-ஆவது ஆட்டத்தில், நடப்பு சாம்பியன் கொல்கத்தா நைட் ரைடர்ஸ், லக்னெள சூப்பர் ஜயன்ட்ஸிடம் 4 ரன்கள் வித்தியாசத்தில் செவ்வாய்க்கிழமை போராடித் தோற்றது.

முதலில் லக்னெள 20 ஓவர்களில் 3 விக்கெட்டுகள் இழப்புக்கு 238 ரன்கள் சேர்க்க, கொல்கத்தா 20 ஓவர்களில் 7 விக்கெட்டுகள் இழந்து 234 ரன்களே எடுத்தது.

இந்த ஆட்டத்தில் லக்னெள பேட்டர்களான மிட்செல் மார்ஷ், நிகோலஸ் பூரன் அதிரடியாக விளாசி ஸ்கோரை உயர்த்தினர். கொல்கத்தா தரப்பில் கேப்டன் அஜிங்க்ய ரஹானே, வெங்கடேஷ் ஐயர் ரன்கள் குவித்தபோதும், அந்த அணி இலக்கை நெருங்கி வீழ்ந்தது.

முன்னதாக டாஸ் வென்ற கொல்கத்தா, பந்துவீச்சை தேர்வு செய்தது. அதன் பிளேயிங் லெவனில், மொயீன் அலிக்கு பதிலாக, ஸ்பென்சர் ஜான்சன் இணைந்திருந்தார். லக்னெள தரப்பில் மாற்றம் செய்யப்படவில்லை.

லக்னெள பேட்டிங்கை தொடங்கிய எய்டன் மார்க்ரம் - மிட்செல் மார்ஷ் கூட்டணி, கொல்கத்தா பௌலிங்கை பவுண்டரி, சிக்ஸர்களாக சிதறடித்தது. முதல் விக்கெட்டுக்கே 99 ரன்கள் சேர்த்த இந்த பார்ட்னர்ஷிப்பை, ஹர்ஷித் ராணா போராடி பிரித்தார்.

மார்க்ரம் 28 பந்துகளில் 4 பவுண்டரிகள், 2 சிக்ஸர்களுடன் 47 ரன்களுக்கு ஸ்டம்ப்பை பறிகொடுத்தார். தொடர்ந்து வந்த நிகோலஸ் பூரனும் நிலையாக நின்று ரன்கள் குவித்தார். மார்ஷுடனான அவ ரின் 2-ஆவது விக்கெட் கூட்டணிக்கு 71 ரன்கள் கிடைத்தது.