மூத்த பாலிவுட் நடிகர் மனோஜ்குமார் காலமானார்

மூத்த பாலிவுட் நடிகரும் திரைப்பட இயக்குநருமான மனோஜ்குமார் (87) மும்பையில் உடல்நலக் குறைவால் வெள்ளிக்கிழமை காலமானார்.

- 

மும்பை, ஏப். 4:

மனோஜ்குமார் நடித்த படங்கள் கடந்த 1960-70ஆம் ஆண்டுகளில் ரசிகர்களிடையே பெரும் வரவேற்பைப் பெற்றன. தேசப்பிரிவினைக்கு முன் அப்போட்டாபாத் நகரில் (தற்போது பாகிஸ்தான்) பஞ்சாபி ஹிந்துகுடும்பத்தில் அவர் பிறந்தார். அவருக்கு ஹரிகிருஷ்ண கோஸ்வாமி என்று பெற்றோர் பெயரிட்டனர். அதன் பிறகு அவரது குடும்பம் தில்லிக்கு இடம்பெயர்ந்தது.

அங்குள்ள ஹிந்து கல்லூரியில் தனது பட்டப்படிப்பை முடித்த மனோஜ்குமார், திரைப்படங்களில் நடிப்பதற்காக மும்பையில் குடியேறினார். 'ஷப்னம்' படத்தில் முதுபெரும் நடிகர் திலீப்குமாரின் நடிப்பால் கவரப்பட்டு, அப்படத்தில் அதன் கதாநாயகன் பாத்திரத்தின் பெயரான மனோஜ்குமார் என்பதை தனக்கு சூட்டிக் கொண்டார்.