ஈரான்-இஸ்ரேல் மோதல்: வர்த்தக பாதிப்பு குறித்து மத்திய அரசு ஆலோசனை

ஈரான்-இஸ்ரேல் இடையே ஒரு வாரத்திற்கும் மேலாக கடுமையான மோதல் நிலவி வரும் சூழலில், வெளிநாட்டு வர்த்தகத்தில் ஏற்படக்கூடிய தாக்கம் குறித்து வர்த்தகத் துறைச் செயலர் சுனில் பர்த்வால் தலைமையில் வெள்ளிக்கிழமை ஆலோசனைக் கூட்டம் நடைபெற்றது.

- 

புது தில்லி, ஜூன் 20:

இதில் ஏற்றுமதியாளர்கள், கண்டெய்னர் நிறுவனங்கள் உள்பட வணிகம் தொடர்புடைய பிற துறை நிபுணர்கள் பங்கேற்றனர்.

கூட்டத்தில் பேசிய சுனில் பர்த்வால், 'ஈரான்-இஸ்ரேல் இடையே நடைபெற்று வரும் கடும் மோதலால் இந்திய வர்த்தகத்துக்கு ஏற்படும் தாக்கம் குறித்து நாம் தொடர்ந்து கண்காணிக்க வேண்டும். இந்த சமயத்தில் வர்த்தகம் தடையின்றி தொடர்வதற்கான பிற வழிகளையும் நாம் ஆராய வேண்டும்' என்றார்.