உயர் கல்வி... முடிவு உங்கள் கையில்!

பிளஸ் 2 பொதுத் தேர்வில் தேர்ச்சி பெற்று உயர் கல்வியைத் தேர்வு செய்யும் மாணவர்களுக்கும், பத்தாம் வகுப்பு தேர்வில் தேர்ச்சி பெற்று பிளஸ் 2 சேருவதா அல்லது 10-ஆம் வகுப்பு கல்வித் தகுதியை அடுத்து வேலைவாய்ப்பு தரும் மாற்றுக் கல்வியை பெறுவதா என்ற முடிவை எடுக்க உள்ள மாணவர்களுக்கு வாழ்க்கையின் திருப்புமுனை நேரம் மே, ஜூன், ஜூலை மாதங்கள்தான்!

- 

பிளஸ் 2 பொதுத் தேர்வில் தேர்ச்சி பெற்று உயர் கல்வியைத் தேர்வு செய்யும் மாணவர்களுக்கும், பத்தாம் வகுப்பு தேர்வில் தேர்ச்சி பெற்று பிளஸ் 2 சேருவதா அல்லது 10-ஆம் வகுப்பு கல்வித் தகுதியை அடுத்து வேலைவாய்ப்பு தரும் மாற்றுக் கல்வியை பெறுவதா என்ற முடிவை எடுக்க உள்ள மாணவர்களுக்கு வாழ்க்கையின் திருப்புமுனை நேரம் மே, ஜூன், ஜூலை மாதங்கள்தான்.!

இப்போது மாணவர்கள் எடுக்கக் கூடிய முடிவுதான் எதிர்கால வாழ்க்கையின் அஸ்திவாரம் என்பதை நினைவில் கொள்ள வேண்டும். ஒருவரின் வளர்ச்சியில் ஆர்வம் கொண்டவர்களின் யோசனையையும், எதிர்கால கனவை நினைவாக் கும் பாதையை அமைத்துக் கொள்ளும் பொறுப்பு பெற்றோரை விட யாருக்கு அதிகம் உண்டு என்ப தனை கவனத்தில் கொள்ள வேண்டும்.

திருப்புமுனை தரும் தேர்வுகள்

தமிழகத்தில் ஆண்டுதோறும் 10-ஆம் வகுப்பு தேர்வு எழுதுவோரில் 70 சதவீதத்தினர் மேல்நிலை கல்வியில் சேருகின்றனர். மீதமுள்ளோர் குடும்பச் சூழல், கற்றல் திறன் குறைபாடு உள்ளிட்ட காரணங்களால் மேல்நிலைக் கல்வியைத் தொடர முடிவதில்லை. அவர்கள் எளிதில் வேலை வாய்ப்பு பெறும் வகையிலான பட்டயப் படிப்புகளை பாலிடெக்னிக் கல்லூரிகள் வழங்குகின்றன. சிவில், இயந்திரவியல், மின்னியல் பொறியியல் பாடங்கள் போதிக்கப்படுகின்றன. இந்தப் பாடங்கள் பொறியியல் கல்லூரிகளில் போதிக்கப்படும் பட்டப் படிப்பு பாடங்கள் அளவுக்கு போதிக்கப்படுகின்றன.