நலிவடையும் தொழிலை மீட்க முதல்வர் மு.க.ஸ்டாலின் எதுவும் செய்யவில்லை

எடப்பாடி கே.பழனிசாமி குற்றச்சாட்டு

- 

திருப்பூர், செப்.12: நலிவடையும் தொழிலை மீட்க முதல்வர் மு.க.ஸ்டாலின் எதுவும் செய்யவில்லை என்று அதிமுக பொதுச் செயலாளர் எடப்பாடி கே.பழனிசாமி குற்றஞ்சாட்டினார்.

திருப்பூர் தெற்கு, வடக்கு மற்றும் பல்லடம் சட்டப்பேரவைத் தொகுதியில் வெள்ளிக்கிழமை நடைபெற்ற 'மக்களைக் காப்போம், தமிழகத்தை மீட்போம்' பிரசாரக் கூட்டத்தில் அவர் பேசியதாவது:

அதிமுக கூட்டணியைப் பார்த்து மு.க.ஸ்டாலினுக்கு பயம் வந்துவிட்டது. வருகிற சட்டப்பேரவைத் தேர்தலில் அதிமுக கூட்டணி 210 இடங்களில் வெற்றி பெறும். திமுக ஆட்சியில் ஊழல் இல்லாத துறையே இல்லை. திருப்பூர் மாநகராட்சிப் பகுதிகளில் 40 நாள்களாக குப்பைகள் அகற்றப்படவில்லை. இதனால் சுகாதார சீர்கேடு ஏற்பட்டுள்ளது. மக்கள் பாதிக்கப்படுவது பற்றி முதல்வருக்கு கவலை இல்லை.