தடைசெய்யப்பட்ட ‘பாலஸ்தீன் ஆக்ஷன்’ அமைப்புக்கு ஆதரவாக போராட்டம்: பிரிட்டனில் 890 பேர் கைது

பிரிட்டனில் பயங்கரவாத இயக்கமாக அறிவிக்கப்பட்ட ‘பாலஸ்தீன் ஆக்ஷன்’ அமைப்புக்கு ஆதரவாக லண்டனில் சனிக்கிழமை போராட்டத்தில் ஈடுபட்ட 890-க்கும் மேற்பட்டோர் கைது செய்யப்பட்டனர்.

- 

லண்டன், செப். 7:

போராட்டத்தின்போது, காவல் துறையினர் மீது போராட்டக்காரர்கள் வன்முறையை ஏவிவிட்டதாக லண்டன் பெருநகர காவல் துறை கண்டனம் தெரிவித்தது.

ஆனால், இந்தப் போராட்டம் அமைதியான முறையில் நடைபெற்றதாகவும், காவல் துறையின் குற்றச்சாட்டுகள் அதிர்ச்சியளிப்பதாகவும் போராட்டக்காரர்கள் மறுப்பு தெரிவித்தனர்.

கடந்த ஒன்றரை ஆண்டுகளாக இஸ்ரேல்-ஹமாஸ் இடையே மோதல் நீடித்துவரும் நிலையில், இஸ்ரேலுக்கு ராணுவ ஆதரவுக்கு எதிர்ப்பு தெரிவித்து ‘பாலஸ்தீன் ஆக்ஷன்’ அமைப்பு செயல்பட்டு வந்தது.