தமிழக அரசின் செயல்பாடு: உச்சநீதிமன்றம் அதிருப்தி

முன்னாள் அமைச்சர் வி. செந்தில் பாலாஜி தொடர்பான வழக்குகளில் 2,000-க்கும் மேற்பட்டவர்களை குற்றஞ்சாட்டப்பட்டவர்களாக இணைத்ததன் மூலம் விசாரணையை தாமதப்படுத்த தமிழக அரசு முயற்சிப்பது குறித்து உச்சநீதிமன்றம் செவ்வாய்க்கிழமை அதிருப்தி தெரிவித்தது.

- நமது நிருபர்

நமது நிருபர் புது தில்லி, ஜூலை 29:

இதுதொடர்பான விவகாரத்தை விசாரித்த உச்சநீதிமன்ற நீதிபதிகள் சூர்ய காந்த், ஜாய் மல்யா பாக்சி ஆகியோர் அடங்கிய அமர்வு, 'நீதித் துறை அமைப்பில் மேற்கொள்ளப்பட்ட முழுமையான மோசடி' என்று கூறி, செந்தில் பாலாஜி தொடர்பான நிலுவையில் உள்ள அனைத்து வழக்குகளையும் பட்டியலிடுமாறு கேட்டுக்கொண்டு, வழக்கை புதன்கிழமை விசாரணைக்கு ஒத்திவைத்தது.

இதுகுறித்து நீதிபதி சூர்யகாந்த், 'அமைச்சரைத் தவிர, குற்றஞ்சாட்டப்பட்டவர்கள் அல்லது இடைத்தரகர்கள் யார் என்பதை நாங்கள் அறிய விரும்புகிறோம். அமைச்சரின் பரிந்துரைகளின் பேரில் செயல்பட்ட அதிகாரிகள் யார்? தேர்வுக் குழுவின் உறுப்பினர்கள் யார்? நியமனம் வழங்கிய அதிகாரிகள் யார்?' என்று கேள்வியெழுப்பினார்.