1971 பாகிஸ்தான் போரை நிறுத்த அமெரிக்க தலையீட்டைக் கோரினார் இந்திரா காந்தி

'1971-ஆம் ஆண்டு பாகிஸ்தானுடன் நடந்த போரை நிறுத்த அன்றைய பிரதமர் இந்திரா காந்தி அமெரிக்காவின் தலையீட்டைக் கோரினார்' என்று பாஜக எம்.பி. அனுராக் தாக்குர் மக்களவையில் புதன்கிழமை கூறினார்.

- 

புது தில்லி, ஜூலை 30:

இதுதொடர்பாக முன்னாள் மத்திய அமைச்சர் அனுராக் தாக்குர் பேசுகையில், '1971 போரில் இந்திய வீரர்கள் வெற்றி பெற்றனர். ஆனால், 'இரும்பு பெண்மணி' என்று வேறு ஒருவருக்கு பட்டம் சூட்டப்பட்டது. போர்க் களத்தில் வெல்லப்பட்டது. ஆனால், பேச்சு வார்த்தையில் தோல்வியே.

வரலாற்றைச் சற்று கூர்ந்து கவனித்தால் பல உண்மைகள் வெளிப்படும். இந்திரா காந்தி அப்போதைய அமெரிக்க அதிபர் நிக்சனுக்கு கடிதம் ஒன்றை எழுதியுள்ளார். அமெரிக்க அதிபரிடம் இந்திரா காந்தி கெஞ்சுவது அதில் நன்றாக தெரிகிறது.

ஆக்ரோஷமான ராணுவ கொள் கையிலிருந்து பாகிஸ்தானை உடனடியாகத் தடுத்து நிறுத்தும்படி அமெரிக்க அதிபரை அவர் வலியுறுத்தியுள்ளார்.

இந்திரா காந்தியின் கடிதத்தைக் கொண்டு அன்றைய அரசு இரும்பாக இருந்ததா அல்லது அதற்கு முரணாக இருந்ததா என்பதை தேசம் தீர்மானித்துக் கொள்ளட்டும்' என்றார்.