ஆபரேஷன் சிந்தூர்: இந்தியாவின் ‘பொறுப்பான தாக்குதல்’

‘பாகிஸ்தானை தளமாகக் கொண்ட பயங்கரவாதி கள் அமைப்புகள் மூலம் நாட்டுக்கு எதிராக அடுத்தடுத்த தாக்குதல் கள் வரவிருப்பது அறியப்பட்டது. அந்த உள்கட்டமைப்பை அகற்றுவதற்காக இந்திய ராணுவம் ‘ஒரு பொறுப்பான’ தாக்குதலை முன்கூட்டியே நடத்தியது என வெளியுறவுச் செயலர் விக்ரம் மிஸ்ரி தெரிவித்தார்.

- நமது சிறப்பு நிருபர்

நமது சிறப்பு நிருபர் புது தில்லி, மே 7:

பஹல்காம் தாக்குதலுக்கு பதிலடியாக இந்திய ராணுவம் ‘ஆபரேஷன் சிந்தூர்’ என்கிற பெயரில் ஏவு கணைகள், ட்ரோன்கள் மூலம் நடவடிக்கை மேற்கொண்டது. இது குறித்து மத்திய அரசு சார்பில் புதன்கிழமை பத்திரிகையாளர்கள் சந்திப்பில் விளக்கப்பட்டது. அப்போது வெளியுறவுச் செயலர் விக்ரம் மிஸ்ரி கூறியதாவது:

காஷ்மீர் பஹல்காமில் கடந்த ஏப்ரல் 22-ஆம் தேதி பாகிஸ்தானில் பயிற்சி பெற்றுவந்த பயங்கரவாதிகள் அப்பாவி சுற்றுலாப் பயணிகள் மீது காட்டுமிராண்டித்தனமான தாக்குதலை நடத்தி நேபாளத்தைச் சேர்ந்த ஒருவர் உள்பட 26 பேரைக் கொன்றனர். 2008 மும்பை தாக்குதலுக்கு பின்னர் நடந்த இந்த சம்பவத்தில் கொல்லப்பட்ட விதமும் அதிர்ச்சிகரமாக இருந்தது.

காஷ்மீருக்கு 2.30 கோடி சுற்றுலாப் பயணிகள் வருகை தந்தனர். இங்கு இயல்பு நிலை திரும்புவதை யும் வளர்ச்சியை தடுப்பதும் இந்தப் பயங்கரவாதத் தாக்குதலுக்கான முதல் காரணம். ஜம்மு - காஷ்மீரில் மட்டுமல்ல, நாட்டின் பிற பகுதிகளிலும் வகுப்புவாத மோதலைத் தூண்டுவது இரண்டாவது காரணம்.