உச்சநீதிமன்ற ஊழியர்கள் நியமனத்தில் முதல்முறையாக இடஒதுக்கீடு

உச்சநீதிமன்ற வரலாற்றில் முதல்முறையாக ஊழியர்கள் நியமனம் மற்றும் பதவி உயர்வுகளில் பட்டியலின மற்றும் பழங்குடியின பிரிவினருக்கு இடஒதுக்கீடு நடைமுறை அறிமுகப்படுத்தப்பட்டுள்ளது.

- 

புது தில்லி, ஜூலை 1: இதுதொடர்பான சுற்றறிக்கையை ஊழியர்கள் அனைவருக்கும் ஜூன் 24-ஆம் தேதி உச்சநீதிமன்றம் அனுப்பியது.

அதில், 'உச்சநீதிமன்ற ஊழியர்கள் நியமனம் மற்றும் பதவி உயர்வுகளில் இனி இடஒதுக்கீடு நடைமுறை பின்பற்றப்படவுள்ளது. இதுதொடர்பான விவரங்கள் ஊழியர்கள் தகவல் பரிமாற்ற வலைதளத்தில் பதிவேற்றம் செய்யப்பட்டது. இவை 2025, ஜூன் 23-ஆம் தேதி அமலுக்கு வந்தது.