ஹாங்காங் குடியிருப்பு தீ விபத்து: மீட்புப் பணிகள் நிறைவு - உயிரிழப்பு 128-ஆக உயர்வு

ஹாங்காங்கின் டை போ பகுதியில் பெரும் தீவிபத்தில் சிக்கிய வாங் ஃபுக் கோர்ட் குடியிருப்பு தளத்தில் உயிருடன் சிக்கியிருந்தவர்களை மீட்கும் பணிகள் வெள்ளிக்கிழமை நிறைவடைந்தன.

- 

சம்பவத்தில் உயிரிழந்தவர்களின் எண்ணிக்கை 128-ஆக உயர்ந்துள்ளது. விபத்துக்குப் பிறகு சுமார் 200 பேர் காணாமல் போயுள்ள நிலையில், தீயணைப்பு வீரர்கள் ஒவ்வொரு தளமாக உடல்களைத் தேடி வருகின்றனர். எனவே, விபத்தில் உயிரிழந்தவர்களின் எண்ணிக்கை மேலும் அதிகரிக்கும் என்று அஞ்சப்படுகிறது.

இந்த விபத்து, ஹாங்காங்கில் 1957-ஆம் ஆண்டு ஏற்பட்ட தீவிபத்துக்குப் பிறகு ஏற்பட்ட மிக மோசமான சம்பவமாகக் கருதப்படுகிறது.