பிகார் அமைச்சரவை: நிதிஷிடமிருந்து பாஜக வசமானது உள்துறை

பிகாரில் முதல்வர் நிதீஷ் குமாரின் 19 ஆண்டுபதவிக் காலத்தில் அவர் வசமே இருந்த உள்துறை அமைச்சர் பொறுப்பு, இம்முறை பாஜகவைச் சேர்ந்த துணை முதல்வர் சாம்ராட் செளதரியிடம் ஒப்படைக்கப்பட்டுள்ளது. புதிதாகப் பதவியேற்ற பிற அமைச்சர்களுக்கான துறைகளும் ஒதுக்கீடு செய்யப்பட்டுள்ளன.

- 

பிகார் பேரவைத் தேர்தலில் மொத்தமுள்ள 243 தொகுதிகளில் 202 இடங்களில் அமோக வெற்றி பெற்று, ஆட்சியைத் தக்கவைத்தது தேசிய ஜனநாயக கூட்டணி. 89 இடங்களுடன் பாஜக தனிப்பெரும் கட்சியாக உருவெடுத்தது. ஐக்கிய ஜனதா தளம் (ஜேடியு) 85 இடங்களைக் கைப்பற்றியது.