கிரீன், ஓவன் அதிரடி; ஆஸ்திரேலியா வெற்றி

மேற்கிந்தியத் தீவுகளுக்கு எதிரான டி20 தொடரின் முதல் ஆட்டத்தில் ஆஸ்திரேலியா 3 விக்கெட்டுகள் வித்தியாசத்தில் வெற்றி பெற்றது.

- 

கிங்ஸ்டன், ஜூலை 21:

முதலில் மேற்கிந்தியத் தீவுகள் 20 ஓவர்களில் 8 விக்கெட்டுகள் இழப்புக்கு 189 ரன்கள் சேர்க்க, ஆஸ்திரேலியா 18.5 ஓவர்களில் 7 விக்கெட்டுகள் இழந்து 190 ரன்கள் எடுத்து வென்றது. அணியின் வெற்றிக்கு வித்திட்ட பேட்டர் மிட்செல் ஓவன் ஆட்டநாயகன் விருது பெற்றார்.

இந்திய நேரப்படி, திங்கள்கிழமை காலை நடைபெற்ற ஆட்டத்தில் டாஸ் வென்ற ஆஸ்திரேலியா, பந்துவீச்சை தேர்வு செய்தது. மேற்கிந்தியத் தீவுகள் இன்னிங்ஸில் பிராண்டன் கிங் 18 ரன்களுக்கு ஆட்டமிழந்தார். உடன் வந்த கேப்டன் ஷாய் ஹோப், ஓப்பனராக களம் புகுந்த ராஸ்டன் சேஸ், வலுவான கூட்டணி அமைத்தனர்.