டாஸ்மாக் மேலாண் இயக்குநர் வீட்டில் அமலாக்கத்துறை சோதனை

ரூ.1,000 கோடி முறைகேடு விவகாரம்

- 

சென்னை, மே 16: டாஸ்மாக் நிறுவனத்தில் ரூ.1,000 கோடி முறைகேடு புகார் தொடர்பான விவகாரத்தில், சென்னையில் உள்ள அந்த நிறுவன மேலாண்மை இயக்குநர் விசாகனின் வீடு உள்பட 10 இடங்களில் அமலாக்கத் துறையினர் வெள்ளிக்கிழமை சோதனை நடத்தினர்.

இதே வழக்குத் தொடர்பாக கடந்த மார்ச் மாதம் தமிழகம் முழுவதும் சுமார் 25 இடங்களில் 3 நாள்கள் முதல் முறையாக சோதனை நடத்தப்பட்டது.

இதில், சென்னை எழும்பூர் தாளமுத்து நடராசன் மாளிகையில் உள்ள டாஸ்மாக் தலைமை அலுவலகம், தியாகராயநகர் திலக் சாலையில் உள்ள திமுக எம்.பி. ஜெகத்ரட்சகனுக்கு சொந்தமான மதுபான நிறுவனம், ஆயிரம் விளக்கு கிரீம்ஸ் சாலையில் உள்ள எஸ்என்ஜெ மதுபான நிறுவனம், கரூரில் உள்ள முன்னாள் அமைச்சர் செந்தில் பாலாஜியின் நண்பர்களின் வீடு ஆகியவையும் அடங்கும்.