இந்தியா-அமெரிக்கா வர்த்தக ஒப்பந்தம்: அக்டோபரில் கையொப்பமாக வாய்ப்பு

'அமெரிக்கா-இந்தியா இடையே இருதரப்பு வர்த்தக ஒப்பந்தத்தை இறுதி செய்வதற்கான பேச்சுவார்த்தை நடைபெற்று வருகிறது. செப்டம்பர்-அக்டோபரில் முதல்கட்ட ஒப்பந்தம் கையொப்பமாக வாய்ப்புள்ளது' என நிதியமைச்சர் நிர்மலா சீதாராமன் ஞாயிற்றுக்கிழமை தெரிவித்தார்.

- 

சான் ஃபிரான்சிஸ்கோ, ஏப்.21:

அமெரிக்க அதிபராக டொனால்ட் டிரம்ப் பதவியேற்ற பின்னர், அந்நாட்டுக்கு கடந்த பிப்ரவரி மாதம் பிரதமர் நரேந்திர மோடி சுற்றுப்பயணம் மேற்கொண்டார்.

அப்போது, 191 பில்லியன் டாலர் மதிப்பிலான இருதரப்பு வர்த்தகத்தை வரும் 2030-ஆம் ஆண்டுக்குள் இரு மடங்குக்கு மேலாக 500 பில்லியன் டாலர் மதிப்பில் உயர்த்த இருதரப்பிலும் இலக்கு நிர்ணயிக்கப்பட்டது.

இதுதொடர்பான இருதரப்பு வர்த்தக ஒப்பந்த பேச்சுவார்த்தையை இந்தியாவும் அமெரிக்காவும் கடந்த மார்ச் மாதம் முதல் மேற்கொண்டு வருகின்றன.