தவறுகளைத் தவிர்த்து விபத்துகளைத் தடுப்போம்!

நாட்டில் ரயில், சாலை விபத்துகள், தீ விபத்துகள், தொழிற்சாலை விபத்துகள், நீர்நிலைகளில் உயிரிழப்பு என மனித உயிர்கள் அன்றாடம் பறிபோவது வேதனைக்குரியது.

- இரா.சாந்தகுமார்

இவ்வாறு விபத்துகளால் இறந்து போவோரின் குடும்பத்துக்கு அரசு மனிதநேயத்துடன் நிவாரணம் வழங்குவது வரவேற்கத்தக்கது. எனினும், விபத்துகள் நேராமல் தடுப்பு நடவடிக்கைகளை எடுப்பது, நிவாரணம் தருவதைக் காட்டிலும் மேலானதாகும். ஏனெனில், உயிரிழப்பை ஈடு செய்வதென்பது எவ்வளவு அதிகமான நிவாரணத் தொகையினாலும் முடியாது.

கடந்த 5 ஆண்டுகளில் ஏற்பட்ட 200 ரயில் விபத்துகளில் 351 பேர் உயிரிழந்துள்ளனர். காயமடைந்து உயிரிழந்தவர்களின் குடும்பங்களுக்கு ரூ.26.83 கோடியும், விபத்தில் காயமடைந்த நபர்களுக்கு ரூ.7 கோடியும் நிவாரணமாகத் தரப்பட்டுள்ளது. இதில் சற்றே ஆறுதல் அளிக்கும் தகவல், 10 ஆண்டுகளுக்கு முன்பு ஆண்டுக்கு 171 ரயில் விபத்துகள் ஏற்பட்ட நிலையில் இந்த எண்ணிக்கை தற்போது ஆண்டுக்கு 40-ஆகக் குறைந்திருப்பதுதான்.

வாகன ஓட்டிகள் மட்டுமல்லாது, பாதசாரிகளும் சாலை விதிகளை முறையாகக் கடைப்பிடித்தால் விபத்துகள் பெருமளவு குறைந்துவிடும். மக்களவையில் அண்மையில் கேள்வி ஒன்றுக்குப் பதிலளித்த மத்திய தரைவழிப் போக்குவரத்து அமைச்சர், மக்களுக்கு சாலை விதிகள் மீதான மரியாதையும், அச்சமும் இல்லையென வருத்தம் தெரிவித்ததுடன், இந்த ஆண்டு இதுவரையிலான சாலை விபத்துகளில் சுமார்

சாலை விபத்துகள் அதிகரித்து வருவதற்கு மற்றொரு காரணம், பெருகி வரும் வாகனங்களின் எண்ணிக்கை ஆகும். நம் நாட்டில் கடந்த ஏப்ரல் முதல் நவம்பர் வரையிலான 8 மாத காலத்தில் மட்டும் 1.80 கோடி புதிய வாகனங்கள் பதிவு செய்யப்பட்டுள்ளன.