ஒரே நாடு ஒரே தேர்தல் மசோதா: கூட்டுக் குழுவுக்கு பரிந்துரை

மக்களவையில் எதிர்க்கட்சி உறுப்பினர்களின் கடும் அமளிக்கிடையே 'ஒரே நாடு ஒரே தேர்தல்' நடைமுறையை அமல்படுத்துவதற்கான இரு மசோதாக்கள் நாடாளுமன்ற கூட்டுக் குழு ஆய்வுக்கு வெள்ளிக்கிழமை பரிந்துரை செய்யப்பட்டது.

- 

மக்களவையில் எதிர்க்கட்சி உறுப்பினர்களின் கடும் அமளிக்கிடையே 'ஒரே நாடு ஒரே தேர்தல்' நடைமுறையை அமல்படுத்துவதற்கான இரு மசோதாக்கள் நாடாளுமன்ற கூட்டுக் குழு ஆய்வுக்கு வெள்ளிக்கிழமை பரிந்துரை செய்யப்பட்டது.

மத்திய சட்ட அமைச்சர் அர்ஜுன் ராம் மேக்வால் அவையில் அறிமுகம் செய்த இதற்கான தீர்மானம் குரல் வாக்கெடுப்பு மூலம் நிறைவேற்றப்பட்டது.

முன்னதாக மக்களவை காலை 11 மணிக்கு கூடியதும், சட்ட மேதை அம்பேத்கரை அவமதிக்கும் வகையில் மத்திய உள்துறை அமைச்சர் அமித் ஷா பேசிய விவகாரத்தை எழுப்பி எதிர்க்கட்சி எம்.பி.க்கள் கடும் அமளியில் ஈடுபட்டனர்.

அதனால், அவையில் கேள்வி நேரத்தை ஒத்திவைத்து விட்டு, 'ஒரே நாடு ஒரே தேர்தல்' மசோதாக்களை நாடாளுமன்ற கூட்டுக் குழு ஆய்வுக்கு பரிந்துரைக்கும் தீர்மானம் மக்களவையில் குரல் வாக்கெடுப்பு மூலம் நிறைவேற்றப்பட்டது. இதையடுத்து, மக்களவை தேதி குறிப்பிடாமல் ஒத்திவைக்கப்பட்டது.