சரிந்து மீண்டது பங்குச்சந்தை சென்செக்ஸ் 843 புள்ளிகள் உயர்வு

இந்த வாரத்தின் கடைசி வர்த்தக தினமான வெள்ளிக்கிழமை பங்குச்சந்தை சரிந்து மீண்டது.

- 

இதைத் தொடர்ந்து, மும்பை பங்குச்சந்தை குறியீட்டு எண்ணான சென்செக்ஸ், தேசிய பங்குச்சந்தை குறியீட்டு எண்ணான நிஃப்டி ஆகிய இரண்டும் லாபத்தில் நிறைவடைந்தன.

உலகளாவிய சந்தை குறிப்புகள் எதிர்மறையாக இருந்தன. இதன் தாக்கத்தால் உள்நாட்டுச் சந்தை சரிவுடன் தொடங்கியது. ஆனால், நவம்பரில் பணவீக்கம் குறைந்ததாக வெளியான தகவல் சந்தையில் உடனடியாக எதிரொலித்தது. இதைத் தொடர்ந்து காலையில் கடும் சரிவைக் கண்டிருந்த சந்தை, பின்னர் ஏற்றம் கண்டது. குறிப்பாக, டெலிகாம், தனியார் வங்கிகள், எஃப்எம்சிஜி பங்குகளுக்கு நல்ல வரவேற்பு காணப்பட்டது. ஆனால், மெட்டல், பார்மா, ரியால்ட்டி பங்குகள் விற்பனையை எதிர்கொண்டன என்று பங்கு வர்த்தக தரகு நிறுவனங்கள் தெரிவித்தன.