ம.பி. தேசிய பூங்காவில் இரு நாள்களில் 7 யானைகள் உயிரிழப்பு: விசாரணைக்கு உத்தரவு

மத்திய பிரதேசத்தின் பந்தாவ் கர் தேசிய பூங்காவில் கடந்த இரு நாள்களில் 7 யானைகள் உயிரிழந்த சம்பவம் பெரும் சோகத்தை ஏற்படுத்தியுள்ளது.

- 

மேலும், 3 யானைகள் கடுமையான உடல் நல பாதிப்பால் உயிருக்குப் போராடி வருகின்றன.

இந்த சம்பவம் குறித்து விரிவான விசாரணை நடத்த மாநில அரசு உத்தரவிட்டுள்ளது.

மத்திய பிரதேசத்தின் உமாரியா மாவட்டத்தில் பந்தாவ் கர் தேசிய பூங்கா மற்றும் புலிகள் காப்பகம் அமைந்துள்ளது. இந்த வனப்பகுதியில் ஏராளமான யானைகளும் வசித்து வருகின்றன. அங்கு செவ்வாய்க்கிழமை வனத்துறையினர் ரோந்து மேற்கொண்டபோது 4 யானைகள் உயிரிழந்து கிடந்தன.