மத்திய அமைச்சரவை செயலராக டி.வி.சோமநாதன் நியமனம் : தமிழக பிரிவு ஐஏஎஸ் அதிகாரி

மத்திய அமைச்சரவை செயலராக மூத்த ஐஏஎஸ் அதிகாரி டி.வி. சோமநாதன் நியமிக்கப்பட்டுள்ளார்.

- 

மத்திய அமைச்சரவை செயலராக உள்ள ராஜீவ் கௌபாவின் பதவிக்காலம் நிறைவடையும் நிலையில், ஆக. 30-ஆம் தேதிமுதல் இரண்டு ஆண்டு காலத்துக்கு புதிய செயலராக சோமநாதன் நியமனம் செய்யப்பட்டுள்ளார்.

உயர் பணி நியமனங்களுக்கான மத்திய அமைச்சரவைக் குழு இதற்கான ஒப்புதலை சனிக்கிழமை அளித்தது.

இது தொடர்பான உத்தரவில் கூறியிருப்பதாவது: மூத்த ஐஏஎஸ் அதிகாரி டி.வி. சோமநாதன் மத்திய அமைச்சரவை செயலராக ஆக. 30-ஆம் தேதிமுதல் இரண்டு ஆண்டுகளுக்கு நியமிக்கப்பட்டுள்ளார். அந்தப் பதவியை அவர் ஏற்கும் வரை, மத்திய அமைச்சரவையின் சிறப்புப் பணி அதிகாரியாக அவரை நியமிக்க மத்திய அமைச்சரவையின் நியமனக் குழு ஒப்புதல் அளித்துள்ளது என்று தெரிவிக்கப்பட்டுள்ளது.

தமிழக பிரிவு ஐஏஎஸ் அதிகாரி: டாக்டர் டி.வி. சோமநாதன் (59), 1987ஆம் ஆண்டு இந்திய ஆட்சிப் பணி (ஐஏஎஸ்) தமிழ்நாடு பிரிவைச் சேர்ந்தவர். தனது பயிற்சிகாலத்தில் சிறப்பாக பரிணமித்ததற்காக இவருக்கு தங்கப் பதக்கம் வழங்கப்பட்டது.