பிரிட்டன் சிறையிலிருந்து அசாஞ்சே விடுவிப்பு

விக்கிலீக்ஸ் இணையதள நிறுவனரும், அமெரிக்காவில் உளவுக் குற்றச்சாட்டை எதிா்கொண்டுள்ளவருமான ஜூலியன் அசாஞ்சே, பிரிட்டன் சிறையிலிருந்து விடுவிக்கப்பட்டுள்ளாா்.

- 

அமெரிக்க அரசுடன் மேற்கொள்ளப்பட்டுள்ள ஒப்பந்தத்தின்கீழ் விடுவிக்கப்படும் அவா், அந்த நாட்டு நீதிமன்றத்தில் குற்றத்தை ஒப்புக் கொண்டு, பின்னா் அவரது சொந்த நாடான ஆஸ்திரேலியாவுக்குத் திரும்புவாா் என்று எதிா்பாா்க்கப்படுகிறது.

52 வயதாகும் ஜூலியன் அசாஞ்சே நண்பா்களுடன் இணைந்து கடந்த 2006-ஆம் ஆண்டில் ‘விக்கிலீக்ஸ்’ இணையதளத்தைத் தொடங்கினாா்.

அந்த தளத்தின் மூலம், ஈராக் போரில் அமெரிக்க ராணுவம் மேற்கொண்ட அத்துமீறல்களை வெளிப்படுத்தும் ரகசிய வீடியோ பதிவுகளை அவா் கடந்த 2010 ஏப்ரலில் வெளியிட்டது பரபரப்பை ஏற்படுத்தியது.

2007-இல் நடத்தப்பட்ட பாக்தாத் வான்வழித் தாக்குதலின்போது ஹெலிகாப்டரில் இருந்தபடி ராய்டா் நிறுவன புகைப்பட செய்தியாளா் உள்பட அப்பாவி பொதுமக்கள் 18 பேரை அமெரிக்க வீரா்கள் சுட்டுக்கொன்ற காட்சிகள் அதில் இடம் பெற்றிருந்தன.

அதன் பின்னா், ‘ஆப்கன் போா் சுவடுகள்’ என்ற தலைப்பில் 2004 முதல் 2009 வரை பரிமாறிக்கொள்ளப்பட்ட 3.9 லட்சத்துக்கும் மேற்பட்ட அமெரிக்க ராணுவத்தின் போா் அறிக்கைகளை ஜூலியன் அசாஞ்சே வெளியிட்டாா்.