பட்ஜெட் கூட்டத்தொடர்: நாடாளுமன்ற பாதுகாப்புக்கு 140 சிஐஎஸ்எஃப் வீரர்கள்

நாடாளுமன்ற பட்ஜெட் கூட்டத்தொடா் வரும் 31-ஆம் தேதி தொடங்கவிருக்கும் நிலையில், நாடாளுமன்றப் பாதுகாப்புக்காக மத்திய தொழிலகப் பாதுகாப்புப் படையின் (சிஐஎஸ்எஃப்) 140 போ் கொண்ட குழு பணியமா்த்தப்பட்டுள்ளதாக அதிகாரபூா்வ வட்டாரங்கள் செவ்வாய்க்கிழமை தெரிவித்தன.

- 

கடந்த ஆண்டு டிசம்பரில் நடைபெற்ற நாடாளுமன்ற மழைக்கால கூட்டத்தொடரின்போது, மக்களவையின் பாா்வையாளா் மாடத்தில் இருந்து திடீரென உள்ளே குதித்த இரு இளைஞா்கள், வண்ணப் புகையை உமிழும் குப்பிகளை வீசினா்.

அவைக்குள் புகை பரவியதால் எம்.பி.க்களிடையே பதற்றம் ஏற்பட்டது. பின்னா், இரு இளைஞா்களும் எம்.பி.க்களால் மடக்கிப் பிடிக்கப்பட்டனா். அவா்கள் காலணிக்குள் மறைத்து வைத்து, புகைக் குப்பிகளை எடுத்து வந்தது கண்டறியப்பட்டது.

நாடாளுமன்ற வளாகத்தில் கடந்த 2001-இல் நடத்தப்பட்ட பயங்கரவாத தாக்குதலின் நினைவு தினமான டிச.13-ஆம் தேதி மக்களவையில் இச்சம்பவம் நடந்தது. இது, நாடாளுமன்றப் பாதுகாப்பில் மிகப் பெரிய குறைபாடு என்று கடுமையான விமா்சனங்கள் முன்வைக்கப்பட்டன. இதையடுத்து, நாடாளுமன்றப் பாதுகாப்பை மேலும் பலப்படுத்துவதற்கான முன்னெடுப்புகள் மேற்கொள்ளப்பட்டன. அதன் ஒரு பகுதியாக, நாடாளுமன்றப் பாதுகாப்பில் சிஐஎஸ்எஃப் படையினரை ஈடுபடுத்த முடிவு செய்யப்பட்டது.