'அதிகார வர்க்கத்தை அரசியல்மயமாக்கும் உத்தரவை திரும்பப் பெற வேண்டும்' பிரதமருக்கு மல்லிகார்ஜுன கார்கே கடிதம்

பாஜக தலைமையிலான அரசின் கடந்த 9 ஆண்டுகால சாதனைகளை மக்களிடையே கொண்டு சோ்க்குமாறு அரசு அதிகாரிகளுக்குப் பிறப்பிக்கப்பட்ட உத்தரவை திரும்பப் பெற வேண்டும் என பிரதமா் நரேந்திர மோடிக்கு ஞாயிற்றுக்கிழமை எழுதிய கடிதத்தில் காங்கிரஸ் தலைவா் மல்லிகாா்ஜுன காா்கே வலியுறுத்தினாா்.

- 

கடந்த அக்.18-இல் வெளியான உத்தரவில், ‘இணைச் செயலா், துணைச் செயலா், இயக்குநா் உள்ளிட்ட நிலைகளில் உள்ள மூத்த அரசு அதிகாரிகள், நாட்டில் உள்ள 765 மாவட்டங்களிலும் மத்திய அரசின் கடந்த 9 ஆண்டுகால சாதனைகளை விளக்கும் பணிகளில் ஈடுபடுத்தப்படுவா்’ எனக் குறிப்பிடப்பட்டிருப்பதைத் தனது கடிதத்தில் சுட்டிக்காட்டிய மல்லிகாா்ஜுன காா்கே, மத்திய அரசின் இந்த நடவடிக்கைக்கு கண்டனம் தெரிவித்தாா்.

மேலும், கடந்த அக்.9-இல் பாதுகாப்புத் துறை அமைச்சகம் வெளியிட்ட உத்தரவில், ‘விடுமுறைக்குச் செல்லும் ராணுவத்தினா் மத்திய அரசு திட்டங்களைப் பிரபலப்படுத்தும் பணிகளில் தங்களது நேரத்தைச் செலவிடுமாறு’ தெரிவிக்கப்பட்டிருப்பதையும் மல்லிகாா்ஜுன காா்கே சுட்டிக்காட்டியிருந்தாா்.