வழிகாட்டும் தமிழகம்

இந்திய அரசியலமைப்பு சட்டத்தில் ஆளுநரின் அதிகார வரம்புகள் தெளிவாக சுட்டிக் காட்டப் பட்டுள்ளன. ஆளுநர் ஒரு மாநிலத்தின் நிர்வாக தலைவராக இருந்தாலும், அவர் அதிகார வரம்புகளுக்கு உட்பட்டே செயல்பட்டாக வேண்டும். ஆனால் ஒன் றியத்தில் பாஜ ஆட்சிக்காலம் தொடங்கிய நாளில் இருந்தே ஆளுநர்கள் பலர் அதிகப்பிரசங்கித்தனமா கவே செயல்பட்டு வருகின்றனர். அதிலும் தமிழ்நாட் டுக்கு வருகிற ஆளுநர்கள் 'தடியெடுத்தவன் எல்லாம் தண்டல்காரன்' என்ற போக்கில் செயல்படுகின்றனர்.

- 

அதிலும் தற்போதைய ஆளுநரான ஆர்.என்.ரவி, மக்களால் தேர்வு செய்யப்பட்ட அரசுக்கு எதிராகவும், அதன் மக்கள் நலத்திட்டங்களுக்கு எதிராகவும் அப்பட்டமாக செயல்பட்டு வருகிறார். ஒன்றிய அரசின் ஊதுகுழலாகவும், சனாதனத்தின் பாதுகாவலராகவும் தன்னை காட்டிக் கொள்வதில் அவருக்கு தற்பெருமை வேறு. அடங்காத காளையாய் திகழ்ந்த அவருக்கு, சுப்ரீம் கோர்ட் படியேறி தமிழக அரசு இப்போது மூக்கணாங்கயிறை கட்டியுள்ளது.

இந்தியாவின் இறையாண்மையை காப்பதிலும், மாநில உரிமையை கட்டிக் காப்பதிலும், இந்தியாவில் உள்ள மற்ற மாநிலங்களுக்கு எல்லாம் தமிழகம் ஒரு வழிகாட்டியாய் திகழ்கிறது. சுப்ரீம் கோர்ட் வழங்கியுள்ள வரலாற்று சிறப்பு மிக்க தீர்ப்பு, வருங்காலத்தில் வாலாட்ட நினைக்கும் ஆளுநர்களுக்கும் கூட நெத் தியடியாகும். இந்த தீர்ப்பை சுட்டிக்காட்டியே மற்ற மாநிலங்களும் தங்கள் உரிமைகளை காக்க போராடும்.