రాష్ట్రానికి జీవనాడి అయిన పోలవరానికి జగనే శని

• రివర్స్ టెండరింగ్తో జగన్ రాష్ట్రాన్నే రివర్స్ చేశాడు  • టీడీపీ హయాంలో రూ.11, 537 కోట్లు ఖర్చు చేస్తే... • వైసీపీ రూ.4611 కోట్లు మాత్రమే ఖర్చు చేసింది

- 

• రివర్స్ టెండరింగ్తో జగన్ రాష్ట్రాన్నే రివర్స్ చేశాడు 

• టీడీపీ హయాంలో రూ.11, 537 కోట్లు ఖర్చు చేస్తే...

• వైసీపీ రూ.4611 కోట్లు మాత్రమే ఖర్చు చేసింది

• నాడు పరిహారంపై ప్రగల్భాలు పలికిన జగన్.. 

• నేడు ముంపు బాధితలను ముంచేశాడు.

• నదుల అనుసంధానంతో రాష్ట్రం మెడలో మణిహారం

అమరావతి-ఆంధ్రనాడు, జూలై28 : రాష్ట్ర ప్రభుత్వ అసమర్థ నిర్ణయాలు, రివర్స్ పోకడల కారణంగా జీవనాడి అయిన పోలవరం ప్రాజెక్ట్ సర్వనాశనం అయ్యిందని టీడీపీ అధినేత నారా చంద్రబాబు నాయుడు అన్నారు. పోలవరం ప్రాజెక్టుకు జగనే శని అని ఆయన ఆరోపించారు. రివర్స్ టెండర్లు అంటూ ప్రాజెక్టును, రాష్ట్రాన్ని రివర్స్ చేశారని మండిపడ్డారు. డయాఫ్రం వాల్ కొట్టుకు పోవడానికి జగన్ మూర్ఖపు నిర్ణయాలే కారణమన్నారు. రాష్ట్ర ప్రభుత్వ తప్పిదాలను అన్ని వ్యవస్థలు తప్పు పట్టాయని ఆధారాలతో సహా వివరించారు. పోలవరం విధ్వంసం పై మా ప్రశ్నలకు ఎదురుదాడి చేయడం కాదు.. సమాధానం చెప్పాలని ప్రభుత్వాన్ని డిమాండ్ చేశారు. టీడీపీ హయాంలో పోలవరం ప్రాజెక్టుపై రూ.11, 537 కోట్లు ఖర్చు చేస్తే... వైసీపీ రూ.4611 కోట్లు. మాత్రమే ఖర్చు చేసిందని తెలిపారు. ప్రతిపక్ష నేతగా పోలవరం ముంప బాధితులకు పరిహారంపై ప్రగల్భాలు పలికిన జగన్.. నేడు ముంపు బాధితులను ముంచేశాడని మండి పడ్డారు. నదుల అనుసంధానంతో రాష్ట్రం మెడలో మణిహారం వేద్దాం అని తాను భావిస్తే...ఆ కలను జగన్ నాశనం చేశాడని ఆవేదన వ్యక్తం చేశారు. పోలవరం ప్రాజెక్టు విష యంలో నాటినుంచి నేటి వరకు ప్రోగ్రస్ ను జరిగిన సంఘటనలను, వివరిస్తూ టీడీపీ అధినేత నారా చంద్రబాబు నాయుడు పార్టీ కార్యాలయంలో మీడియా సమావేశం పెట్టారు. 2020 కే పూర్తి కావాల్సిన ప్రాజెక్టు ఎందుకు ఆలస్యం అవుతుంది... సాంకేతికంగా జరిగిన తప్పు - లకు కారకులు ఎవరు..... ప్రాజెక్ట్ విషయంలో జగన్ ప్రభుత్వం వరుసగా తీసుకుంటున్న తప్పుడు నిర్ణయాలను వివరిస్తూ ప్రభుత్వాన్ని ప్రశ్నించారు.