టెండర్ ధాన్యం బకాయి మిల్లర్లపై మెతక వైఖరి

• సివిల్ సప్లయ్ మంత్రి సొంత జిల్లాలోనే భారీ బకాయిలు.. • ప్రస్తుత సీజన్లో మళ్ళీ వీళ్ళకే సి.ఎమ్.ఆర్ ధాన్యం కేటాయించిన దుస్థితి..

- 

• సూర్యాపేట జిల్లాలో ఉన్న 58 మంది మిల్లర్ల బకాయి రూ. 226 కోట్లు..

• హైకోర్టులో కేసులు నడుపుతున్న పలువురు మిల్లర్లు చేల్లించాల్సింది రూ.300 కోట్లు!

• టాప్ టెన్ బకాయి మిల్లర్ల వద్దనే 150 కోట్లు.. 3 ఏళ్ళు గడుస్తున్నా సెటిల్మెంట్ చేయని వైనం..

పెరుమాళ్ళ నర్సింహారావు, 'ఆదాబ్' ప్రత్యేక ప్రతినిధి రాష్ట్ర సివిల్ సప్లయ్ శాఖ ద్వారా గ్లోబల్ టెండర్ విధానంలో సరఫరా చేసిన ధాన్యానికి సంబంధించిన కోట్ల రూపాయల బకాయిలు సూర్యాపేట జిల్లాలో పేరుకుపోయాయి. కానీ, ఈ బకాయిలు వసూలుపై ప్రభుత్వం, శాఖాధికారులు చూపుతున్న నిర్లక్ష్యం అనేక అనుమానాలకు తావిస్తోంది. అధికారులు ఉదాసీనత వలన ఇక్కడున్న కొద్దిమంది మిల్లర్లు ప్రభుత్వ ఆదేశాలను భేఖాతర్ చేస్తున్నట్లు స్పష్టమవుతోంది. సూర్యాపేట జిల్లాలో 2022 సంవత్సరానికీ చెందిన గ్లోబల్ టెండర్ ద్వారా ధాన్యం తీసుకున్న 58 మంది రైస్ మిల్లర్లు ప్రభుత్వానికి గడిచిన జూన్ 30 వరకు అధికారిక లెక్కల ప్రకారం ఇంకా రూ.226 కోట్ల మేర బకాయి చెల్లించాల్సి ఉంది. ఈ బకాయిలు గత మూడు సంవత్సరాలుగా పెండింగ్లోనే ఉండగా, వాటి వసూలుకు సరైన చర్యలు లేకపోవడం గమనార్హం.

హైకోర్టులో కేసులు నడుపుతున్న ఇరువురు మిల్లర్లు చెల్లించాల్సింది రూ.300 కోట్లు!