லாக்கப் டெத்! சர்ச்சையில் உடுமலை வனத்துறை!

விசாரணைக்காக அழைத்து வரப்பட்ட பழங்குடி சமூகத்தைச் சேர்ந்த ஒருவர், வனத்துறை அலுவலகத் திலுள்ள கழிவறையில் உயிரிழந்தார்.

- நாகேந்திரன்

தூக்கிட்டுத் தான் தற்கொலை செய்து கொண்டார் என வனத்துறை அறிவிக்க, “இல்லையில்லை, சட்டவிரோதக் காவலில் வைத்து இரண்டு நாட்களாக அடித்துக் கொன்ற பின் தூக்கில் தொங்கவிட்டு நாடகமாடுகிறது வனத்துறை. இதுவும் லாக்கப் டெத்தே” என போராட்டத்தில் ஈடுபட்டுவருகின்றனர் இறந்தவரின் உறவினர்களும், கம்யூனிஸ்ட் கட்சியும்.

“உடுமலைப்பேட்டை அருகே மேல்குருமலையில் விவசாயமும், மூணார் அருகே சூரியநெல்லியில் மளிகைக் MAGZ060825 வருகின்றோம். எங்களுக்கு சிந்து, ராதிகா என்ற இரண்டு மகள்கள் உள்ளனர். சில வருடங்களுக்கு முன்பாக குருமலையில் கஞ்சா பயிரிட்டதாக என்னுடைய கணவர் மாரிமுத்து உட்பட நான்கு நபர்கள் மீது வழக்குப்பதிவு செய்தது வனத்துறை. இதில் கடந்த ஜூலை 29 அன்று நீதிமன்றத்தால் அவர் விடுதலை செய்யப்பட்டார். இதுமாதிரி பல பொய்க்கேசுகளை வனத்துறை என்னுடைய கணவர் மீது அவ்வப்போது ஜோடித்தாலும் நீதிமன்றத்தின் உதவியால் பலமுறை கைது முயற்சியிலிருந்து தப்பி, தான் நிரபராதி என்பதை அவர் நிரூபித்திருந்தார். இதனாலயே என் கணவர் மீது வனத்துறையினருக்கு கடும் கோபம் உண்டு. கஞ்சா வழக்கிலும் என்னுடைய கணவர் விடுதலையாக, கோபத்தின் உச்சிக்கே சென்றுள்ளது வனத்துறை.