ഇടിഎഫ്: ഓഹരിസൂചികയുടെ നേട്ടം കുറഞ്ഞ റിസ്കിൽ

തിമാറ്റിക് ഫണ്ടുകൾ ഒരു തീമിനുള്ളിൽ ഒന്നിലധികം മേഖലകളിലെ കമ്പനികളുണ്ടാകും.

- അരുൺ സുന്ദരേശൻ ഹെഡ്, ഇടിഎഫ്, നിപ്പൺ മ്യൂച്വൽ ഫണ്ട്

നിഫ്റ്റി 50 സൂചിക കഴിഞ്ഞ 20 വർഷം കൊണ്ടു 15 മടങ്ങായി. അന്ന് ഒരു ലക്ഷം ഇട്ടിരുന്നെങ്കിൽ ഇന്ന് 15 ലക്ഷം ആയിട്ടുണ്ടാകും. ഏകദേശം 14% വാർഷിക വളർച്ച. അധിക റിസ്‌കെടുക്കാതെ, എളുപ്പത്തിൽ ഈ നേട്ടം സ്വന്തമാക്കാൻ അവസരം നൽകുന്ന ഫണ്ടാണ് നിഫ്റ്റി 50 ഇടിഎഫ്. പറയുന്നത് നിപ്പൺ ഇന്ത്യാ മ്യൂച്വൽ ഫണ്ടിന്റെ ഇടിഎഫ് വിഭാഗം തലവൻ അരുൺ സുന്ദരേശൻ.

20 വർഷത്തിൽ 60 മടങ്ങ് നേട്ടം നൽകിയ സൂചികയുണ്ട്, അവയെ പിന്തുടരുന്ന ഇടിഎഫുകളുണ്ടെന്നും അദ്ദേഹം കൂട്ടിച്ചേർത്തു. ഇടിഎഫുകൾക്ക് ജനപ്രതീ വർധിച്ചുവരുന്ന സാഹചര്യത്തിൽ അവയുടെ സവിശേഷതകളും സാധ്യതകളും വിശദീകരിക്കുകയാണ് അദ്ദേഹം.

എന്താണ് ഇടിഎഫുകളെ വ്യത്യസ്തമാക്കുന്നത്?

ഓഹരിവിപണിക്കു സമാനമായ ആദായം നേടാൻ അവസരമൊരുക്കുന്ന മ്യൂച്വൽ ഫണ്ടാണ് ഇടിഎഫുകൾ. പാസീവ് ഫണ്ടുവിഭാഗത്തിൽ വരുന്നവയാണ് ഇടിഎഫ് അഥവാ എക്സ്ചേഞ്ച് ട്രേഡഡ് ഫണ്ട്. ഇതിൽ നിക്ഷേപം ഒരു ഓഹരി സൂചികയെ അടിസ്ഥാനപ്പെടുത്തിയാകും. ആധാരസൂചികയെ അതു പോലെ പകർത്തി നിക്ഷേപിക്കുകയാണ് ഫണ്ട് മാനേജർമാർ ഇടിഎഫിൽ ചെയ്യുന്നത്. സൂചികയിലുണ്ടാകുന്ന മാറ്റങ്ങൾ അതേപോലെ പിന്തുടരും. അതിനാൽ സൂചികയ്ക്കു സമാനനേട്ടം നിക്ഷേപകനു ലഭിക്കും. ഉദാഹരണത്തിന് നിഫ്റ്റി50 ഇടിഎഫ്തന്നെ എടുക്കാം. നിഫ്റ്റി സൂചികയിലെ 50 ഓഹരികളും നിശ്ചിത വെയ്റ്റേജുമാണല്ലോ? ഈ 50 ഓഹരികളിലും അതേ വെയ്റ്റേജിൽ നിക്ഷേപിക്കുന്നവയാണ് നിഫ്റ്റി 50 ഇടിഎഫ്. ഒരു നിശ്ചിത സമയത്ത് നിഫ്റ്റി സൂചിക തരുന്ന അതേ നേട്ടം നിഫ്റ്റി50 ഇടിഎഫും തരും. അതായത്, നിങ്ങളുടെ കയ്യിലെ തുകകൊണ്ടു രാജ്യത്തെ മുൻനിര ഓഹരികളായ നിഫ്റ്റി50 ലെ മുഴുവൻ കമ്പനികളിലും നിക്ഷേപിച്ചു നേട്ടമെടുക്കാം. അതായത്, ഇവിടെ നിക്ഷേപകനു ലഭിക്കുന്നത് ഓഹരിവിപണിയിലേക്കുള്ള ഡയറക്ട് എക്സ്പോഷറാണ്. 20 വർഷത്തിൽ നിഫ്റ്റിയിലുണ്ടായ 14% വാ ർഷികവളർച്ച, എഫ്ഡിയിലോ റിയൽ എസ്റ്റേറ്റിലോ സ്വർണത്തിലോ ഒന്നും ലഭിച്ചിട്ടില്ല. അതു നേടാനുള്ള അവസരമാണ് ഇടിഎഫ് നിങ്ങൾക്കു തരുന്നത്.

നിഫ്റ്റി, സെൻസെക്സ് എന്നിവയ്ക്കു പുറമെ ധാരാളം സൂചികകളുണ്ട്, അവയെ പിന്തുടരുന്ന ഇടിഎ ഫുകളുണ്ട്. അത്തരത്തിലൊന്നാണ് ആദ്യം സൂചിപ്പിച്ച ഒരു ലക്ഷം 20 വർഷം കൊണ്ടു 60 ലക്ഷമാക്കിയ, 56% ശരാശരി വാർഷികനേട്ടം നൽകിയ മൊമെന്റം എന്ന ഫാക്ടർ സൂചിക.

ആക്ടീവ് VS പാസിവ്