ഓതറൈസ്ഡ് കസ്റ്റമർ സർവിസിന്റെ നോക്കുകൂലി

എൻജിനീയർ ബില്ലു തന്നുതന്നെയാണ് പൈസ വാങ്ങിയത്. അപ്പോൾ അത് ഓതറൈസ്ഡ് നോക്കുകൂലിതന്നെ.

- കെ.കെ.ജയകുമാർ

വാഷിങ് മെഷീനു കേടുപറ്റിയെന്ന് ഭാര്യയുടെ - കോൾ വന്നതോടെ ഞാൻ നടുങ്ങി. റിപ്പയർ ചെയ്തുവരുമ്പോൾ ചുരുങ്ങിയത് 2,000 രൂപ പോയിക്കിട്ടും. തുണിയല്ലേ, അലക്കാതെ എങ്ങനെ ഉടുക്കും. ഉണ്ണാനില്ലെങ്കിലും ഉടക്കാനുണ്ടാൽ മതി എന്ന ചിന്തയുള്ള മലയാളികളല്ലേ നമ്മളെല്ലാം. പ്രശസ്ത ബ്രാൻഡിന്റെ വാഷിങ് മെഷീനാണ്. ഓതറൈസ്ഡ് കസ്റ്റമർ സെന്ററിൽ വിളിച്ച് കംപ്ലയിന്റ് ബുക്ക് ചെയ്തു. 2 ദിവസത്തിനകം എൻജിനീയർ വന്നു ശരിയാക്കുമെന്നു കിളിമൊഴി. അരമണിക്കൂർ കഴിഞ്ഞപ്പോൾ വിളി വന്നു. സർവീസ് എൻജിനീയറുടേതല്ല, പ്രശസ്ത ബ്രാൻഡ് ഔട്ട്സോഴ്സ് ചെയ്ത ഫ്രാഞ്ചൈസി സ്ഥാപനത്തിൽ നിന്ന് 2 ദിവസം കഴിഞ്ഞ് എൻജിനീയർ വന്നു പരിശോധിച്ചു. "ഗിയർ മെഷീൻ കംപ്ലയിന്റാണ്.' റിപ്പയർ ചെയ്ത് ശരിയാക്കൂ,' എന്നു ഞാൻ പറഞ്ഞു. "ഇല്ല ഞങ്ങൾ റിപ്പയർ ചെയ്യില്ല. ഓൺലി റീപ്ലേസ്മെന്റ്, "എത്രയാകും വില.' “അത് ചെക്ക് ചെയ്തിട്ടേ പറയാൻ പറ്റൂ,' എന്ന് എൻജിനീയർ. "റേറ്റ് പറയൂ,' എന്നു ഞാൻ നിർബന്ധം പിടിച്ചതോടെ ഏകദേ