സ്വന്തം ഭൂമിയുണ്ടോ? നിങ്ങൾക്കും തുടങ്ങാം ചെറു റിയൽ എസ്റ്റേറ്റ് സംരംഭം

ഭൂമി ഉണ്ടായിട്ടും വിൽക്കാനോ, ആവശ്യത്തിനു പണമാക്കി മാറ്റാനോ കഴിയാതെ വിഷമിക്കുന്നവർക്ക് ഒരു രക്ഷാമാർഗം തുറന്നുനൽകുകയാണ് കെ-റെറയുടെ പുതിയ സർക്കുലർ

- സി.എസ്.രഞ്ജിത്ത്

വീടുവയ്ക്കാൻ സൗകര്യത്തിൽ കൈവശം ചെറിയ പ്ലോട്ടുണ്ടെങ്കിലും വിൽക്കാനാകാതെ വിഷമിക്കുകയാണോ നിങ്ങൾ? എങ്കിൽ വീടോ, ഫ്ലാറ്റോ, വില്ലയോ പണിത്, വിൽപന നടത്തി നേട്ടം എടുക്കാനുള്ള അവസരം നിങ്ങൾക്ക് ഇനി ലഭിക്കും. കാരണം സ്വന്തമായി ഭൂമിയുള്ള ഇടത്തരക്കാർക്ക് റിയൽ എസ്റ്റേറ്റ് രംഗത്തു സംരംഭം തുടങ്ങാനുള്ള സാധ്യതകളാണ് കെ-റെറ അഥവാ കേരള റിയൽ എസ്റ്റേറ്റ് റെഗുലേറ്ററി അതോറിറ്റി മാർച്ചിൽ പുറത്തിറക്കിയ സർക്കുലറിൽ തുറന്നിട്ടിരിക്കുന്നത്.

വീടുവയ്ക്കാനായി കേരളത്തിൽ അന്നും ഇന്നും ഭൂമിക്ക് ആവശ്യക്കാരുണ്ട്. ഇനിയും അത് അങ്ങനെ ആയിരിക്കും. എന്നാൽ വില്ലകളും ബഹുനില ഫ്ലാറ്റ് സമുച്ചയങ്ങളും ഒക്കെയായി വൻകിടക്കാർക്കു മാത്രമേ റിയൽ എസ്റ്റേറ്റ് സംരംഭങ്ങൾ ആരംഭിക്കാനാകൂ എന്നതായിരുന്നു അവസ്ഥ. കേരളത്തിൽ ഇനി അതു പൊളിച്ചെഴുതപ്പെടും. സ്വന്തമായി ഭൂമിയുള്ള ഇടത്തരക്കാർക്ക് ചെറുകിട പ്ലോട്ട് വികസനത്തിലൂടെ റിയൽ എസ്റ്റേറ്റ് രംഗത്തേക്കു കടന്നുവരാൻ കെ-റയുടെ ഈ സർക്കുലർ വഴിയൊരുക്കും.

റിയൽ എസ്റ്റേറ്റ് സംരംഭം എന്നാൽ?