വിവാഹത്തിനു മുൻപ് നോക്കണം പണപ്പൊരുത്തം

വിവാഹത്തിനു മുൻപ് സൗന്ദര്യം, കുടുംബം, സമൂഹം, ജാതകം എന്നിവയ്ക്കൊപ്പം പണപ്പൊരുത്തം കൂടി നോക്കിയാൽ സ്ത്രീധന പീഡനവും മരണവും ഒഴിവാക്കി പെൺകുട്ടിയുടെ ഭാവി ഭദ്രമാക്കാനാകും.

- 

മനുഷ്യ മനസാക്ഷിയെ ഞെട്ടിക്കുന്ന തരത്തിലാണ് പെൺകുട്ടികൾക്കെതിരെയുള്ള വിവാഹസംബന്ധമായ അതിക്രമങ്ങൾ കേരളത്തിൽ അരങ്ങേറുന്നത്. വിവാഹത്തിന്റെ പേരിൽ പെൺകുട്ടികൾക്കെതിരെ ഹീനമായ നിയമ ലംഘനങ്ങളും ക്ഷുദ്രമായ പീഡനങ്ങളും നടത്തു ന്നതിന് വിദ്യാഭ്യാസ യോഗ്യതയോ ഉന്നത ജോലിയോ കുടുംബ പശ്ചാത്തലമോ ഒന്നും തടസ്സമാകുന്നില്ല. കുടുംബത്തിൽ സ്ത്രീക്കും പുരുഷനും ഒരേ ഉത്തരവാദിത്തമാണെന്നിരിക്കെ പെൺകുട്ടിയെ മാത്രം ഇങ്ങനെ കൊല്ലാക്കൊല ചെയ്യുന്നതിനു പ്രതിരോധം സൃഷ്ടിക്കാനുള്ള മികച്ച മാർഗമാണ് വിവാഹത്തിനു മുൻപ് പണപ്പൊരുത്തം നോക്കുക എന്നത്.

എന്താണ് പണപ്പൊരുത്തം

സൗന്ദര്യം, കുടുംബം, സമൂഹം, ജാതകം തുടങ്ങി വിവാഹം തീരുമാനിക്കുന്നതിൽ ഇപ്പോൾ തുടരുന്ന ഇണക്കിച്ചേർക്കലുകളൊന്നും പെൺകുട്ടികളെ സംരക്ഷിക്കുന്നതിൽ ഫലപ്രദമാകുന്നില്ല. കണ്ണും പൂട്ടി പെൺകുട്ടികളെ പറഞ്ഞുവിടുന്നത് അവരെ അശരണരും മുറിവേൽക്കപ്പെടുന്നവരുമായി മാറ്റാൻ കാരണമാകും. ഒളിഞ്ഞും തെളിഞ്ഞും പ്രധാന വില്ലനാകുന്ന പണസംബന്ധിയായ വിഷയങ്ങൾ ഗോപ്യമായി കൈകാര്യം ചെയ്യുന്ന രീതി മാറണം.

സാമ്പത്തിക ഘടകങ്ങളുപയോഗിച്ച് വധൂവരന്മാരുടെ ചേർച്ച പണപ്പൊരുത്തത്തിലൂടെ കണ്ടെത്താം. എത്ര കാലത്തോളം സന്തോഷകരമായി ജീവിതയാത്ര തുടരാമെന്നു സമർഥമായി മനസ്സിലാക്കി ആരെ വിവാഹം ചെയ്യണമെന്നു തീരുമാനമെടുക്കാൻ പെൺകുട്ടികളെ പണപ്പൊരുത്തം പ്രാപ്തരാക്കും.

ക്രെഡിറ്റ് റിപ്പോർട്ടും പരിശോധിക്കണം