47 കുടുംബങ്ങൾക്ക് അത്താണി കുറഞ്ഞ ചെലവിൽ ഒരു ഇക്കോ ഫ്രണ്ട്ലി സംരംഭം

സ്വയം തൊഴിലായി തുടങ്ങിയ സംരംഭത്തിലൂടെ അംഗപരിമിതർ ഉൾപ്പെടെയുള്ള നാൽപതിൽപരം കുടുംബങ്ങൾക്ക് തൊഴിൽ നൽകി ശ്രദ്ധ നേടുകയാണ് ഗ്രീൻ ഇക്കോ ബാസും ഉടമ ലിമയും.

- ടി. എസ്. ചന്ദ്രൻ മുൻ ഡപ്യൂട്ടി ഡയറക്ടർ, സംസ്ഥാന വ്യവസായ വാണിജ്യ വകുപ്പ്

ഒറ്റമുറിയിൽ തുടങ്ങിയ ബിസിനസ് 47 കുടുംബങ്ങൾക്ക് അത്താണിയായി മാറിയ വിജയകഥയാണ് ലിമ മണിക്കു പറയാനുള്ളത്. തൃശൂരിലെ ചെങ്ങാലൂരിൽ പ്രവർത്തിക്കുന്ന ഗ്രീൻ എക്കോ ബാഗ്സിന്റെ ഉടമയാണ് ലിമ.

എന്താണ് ബിസിനസ്?

പേപ്പർ ക്യാരിബാഗുകളുടെ നിർമാണവും വിൽപനയും ബിസിനസ്. അംഗപരിമിതർ ഉൾപ്പെടെയുള്ള നാൽപതിൽപരം കുടുംബങ്ങൾക്ക് തൊഴിൽ നൽകുന്നു എന്നതാണ് ഈ സംരംഭത്തെ വ്യത്യസ്തമാക്കുന്നത്. ഏഴുപേർക്കാണ് നേരിട്ടു ജോലി നൽകുന്നത്.

തുടക്കം 200 ബാഗിൽ