നാടാകെയുണ്ട് മുടിയൻമാർ

ബിസിനസ് കുടുംബങ്ങൾ മുടിയുന്നത് സർവസാധാരണമാണ്.

- പി. കിഷോർ

ധനികവീട്ടിലെ പയ്യന് വീട്ടുകാർ ബിസിനസ് ഇട്ടു കൊടുത്തതാണ്. പ്രമുഖ സൂപ്പർ മാർക്കറ്റ് ശൃംഖലയുടെ ഫ്രാഞ്ചൈസി. ഒരെണ്ണം തുടങ്ങി അധികം കഴിയും മുൻപേ വേറെ രണ്ടെണ്ണം കൂടി വൻ വരുമാനം വരുന്നതായി തോന്നി. അതോടെ ഡർബാറായി.

ഭാര്യയുമായി ലോകരാജ്യങ്ങൾ ചുറ്റൽ, ലണ്ടൻ, സിംഗപ്പൂർ, ദുബായ് മാസങ്ങളോളം അവിടെ താമസിക്കും. ബിസിനസ് നാട്ടിൽ എങ്ങനെ നടക്കുന്നെന്നു നോട്ടമില്ല. മാനേജർമാർ എല്ലാം നോക്കിക്കോളുമെന്നാണു വിചാരിച്ചത്. സൂപ്പർ മാർക്കറ്റിൽ നിന്നുള്ള വരുമാനത്തെക്കാൾ കൂടുതലായി ചെലവുകൾ. ഭാര്യയും ഭർത്താവും ഒരേപോലെ ധാരാളികൾ.