കൈ നിറയെ പണം തരുമോ ചാറ്റ് ജിപിടി

നിർമിതബുദ്ധി അടിസ്ഥാനമാക്കി പ്രവർത്തിക്കുന്ന ചാറ്റ് ജിപിടിയുടെ കടന്നുവരവോടെ ലോകത്ത് എല്ലാ മേഖലകളിലും വൻ വിപ്ലവം അരങ്ങേറുകയാണ്.

- സുമ സണ്ണി

ചാറ്റ് ജിപിടി വഴി പണമുണ്ടാക്കാനാകുമോ ? ഇന്നു പലരുടെയും മനസ്സിലുള്ള ചോദ്യമാണിത്. ചെയ്യുന്ന തൊഴിലിലും ബിസിനസിലും നിങ്ങളുടെ നിക്ഷേപത്തിലും എന്നു വേണ്ട, ഏതിലും മികച്ച നേട്ടമുണ്ടാക്കാൻ എന്തു ചെയ്യണം എന്നു ചോദിച്ചാൽ ഒട്ടേറെ വഴികൾ ചാറ്റ് ജിപിടി പറഞ്ഞുതരും. അതിൽനിന്ന് അനുയോജ്യമായ ഒന്നോ അതിലധികമോ വഴികൾ തിരഞ്ഞെടുത്തു പ്രാവർത്തികമാക്കിയാൽ നിങ്ങൾക്കും പണം നേടാനാവും. ചില മേഖലകളിൽ ചാറ്റ് ജിപിടി എന്തു പ്രയോജനം ചെയ്യുമെന്നു കാണുക.

ഓഹരികൾ: ഏതു രാജ്യത്തെ ഏതു മേഖലയിലെ ഓഹരികളാണു ഭാവിയിൽ കൂടുതൽ വളരുക ഒരു പ്രത്യേക കമ്പനിയുടെ ഓഹരി വളർച്ചനിരക്ക് 2030ൽ എന്തായിരിക്കും? നമ്മുടെ സാമ്പത്തിക ശേഷിക്കനുസരിച്ചു നിക്ഷേപിക്കാൻ സാധിക്കുന്ന ഓഹരികൾ ഏതൊക്കെയാണ്? തുടങ്ങിയ ചോദ്യങ്ങൾ നിങ്ങൾക്കു ചോദിക്കാം. ചാറ്റ് ജിപിടി 2021 വരെയുള്ള വിവരങ്ങൾ വിശകലനം ചെയ്ത് അതിന്റെ അടിസ്ഥാനത്തിൽ ഉത്തരം പറഞ്ഞു തരും. ഇവ ഉപയോഗപ്പെടുത്തിയാൽ ഓഹരിയിൽ നിന്നു കൂടുതൽ നേട്ടമെടുക്കാനായേക്കാം. ഒരു ബ്രോക്കറോ ഏജൻസിയോ വ്യക്തികളോ ഓഹരി ശുപാർശ നൽകുമ്പോൾ കടന്നുകൂടുന്ന സ്ഥാപിത താൽപര്യങ്ങൾ ചാറ്റ് ജിപിടിക്ക് ഉണ്ടാവില്ല. അതുകൊണ്ടുതന്നെ കൂടുതൽ സുതാര്യവും നേരായതുമായ ശുപാർശകൾ പ്രതീക്ഷിക്കാം ഇൻഷുറൻസ്: ഓരോ വെബ്സൈറ്റിലും ഇൻഷുറൻസ് ഉൽപന്നങ്ങളെക്കുറിച്ചു കുറെയേറെ വിവരങ്ങൾ ഉള്ളതിനാൽ അനുയോജ്യമായതു തിരഞ്ഞെടുക്കാൻ ബുദ്ധിമുട്ടാണ്. എന്നാൽ, നമ്മുടെ ആവശ്യങ്ങൾ ഉൾക്കൊള്ളുന്ന, കൃത്യമായ ഒരു കമാൻഡിലൂടെ അനുയോജ്യമായ പോളിസി കണ്ടെത്തി തരാൻ ചാറ്റ് ജിപിടിക്കു സാധിക്കും.

ക്രിപ്റ്റോ കറൻസികൾ: ക്രിപ്റ്റോ കറൻസികളുടെ തിരഞ്ഞെടുപ്പിനും ചാറ്റ് ജിപിടിയെ ആശ്രയിക്കാം. ഏതു ക്രിപ്റ്റോ കറൻസിയാണു ഭാവിയിൽ കൂടുതൽ നേട്ടം തരുക, ഭാവി പ്രവണതകൾ എന്തെല്ലാമായിരിക്കും തുടങ്ങിയവയ്ക്കു ചാറ്റ് ജിപിടിയിലൂടെ ഉത്തരം തേടാം. ആ വിവരങ്ങൾ ഉപയോഗിച്ചു നേട്ടമുണ്ടാക്കാം

 തൊഴിൽരംഗത്തും പിന്തുണ