കഥ പറയുമ്പോൾ ബ്രാൻഡും വളരും

മറ്റേത് ബ്രാൻഡിങ് തന്ത്രത്തെക്കാളും ജനമനസ്സിൽ ഒരു ബ്രാൻഡിനെ കുടിയിരുത്താൻ കഥ പറച്ചിലുകൾ സഹായിക്കും.

- സാജിദ് നാസർ

ഹർലാൻഡ് സാൻഡേഴ്സ് എന്ന അമേരിക്കക്കാരൻ ഇന്ത്യാനയിലെ ഒരു ഗ്യാസ് സ്റ്റേഷനിൽ തന്റെ പ്രഷർ കുക്കറിൽ തുടങ്ങിയ "ഫ്രൈഡ് ചിക്കൻ', പല നാഴികക്കല്ലുകൾ പിന്നിട്ട് ലോകമെമ്പാടും ആവശ്യക്കാരേറെയുള്ള കെഎഫ്സി ആയി വളർന്ന കഥ നാം പലയാവർത്തി കേട്ടതാണ്. ഇങ്ങ് കേരളത്തിൽ, ചെറിയ മുതൽമുടക്കിൽ സ്റ്റെബിലൈസറിൽ തുടങ്ങി വലിയൊരു വ്യവസായ സാമ്രാജ്യം കെട്ടിപ്പടുത്തിയ കൊച്ചൗസേപ്പ് ചിറ്റിലപ്പിള്ളിയുടെ കഥയും അദ്ദേഹത്തിന്റെ ബ്രാൻഡുകളും നമുക്കു സുപരിചിതമാണ്. എം.എ. യൂസഫലി ഉൾപ്പെടെയുള്ളവർ സഹായങ്ങൾ നൽകുന്ന കഥകളും അതിലെ കഥാപാത്രങ്ങളും നമ്മുടെ മനസ്സിൽ നിന്നു മാഞ്ഞു പോകാറില്ല. ജനമനസ്സിൽ ഒരു ബ്രാൻഡിനെ കുടിയിരുത്താൻ ഇത്തരം കഥപറച്ചിലുകൾ' ഏറെ സഹായിക്കും, മറ്റേത് ബ്രാൻഡിങ് തന്ത്രത്തെക്കാളും.

കഥ എന്തിനു പറയണം?