ജിയോജിത്തോ സെറോദയോ, ബ്രോക്കർ ഏതു വേണം?

ഓരോ വ്യക്തിയും സ്വന്തം സാഹചര്യവും ആവശ്യവും മനസ്സിലാക്കി മാത്രമേ ഏതുതരം ബ്രോക്കറെ വേണമെന്നു തീരുമാനിക്കാവൂ. അതിനാദ്യം ഈ രണ്ടു വിഭാഗങ്ങളെയും ശരിയായി മനസ്സിലാക്കണം.

- 

സെറോദ, അപാക്, 5 പൈസ. കോം തുടങ്ങി വളരെ കുറഞ്ഞ ബ്രോക്കറേജിൽ ഓഹരി ഇടപാടുകൾ സാധ്യമാക്കുന്ന ന്യൂ ജെൻ ഷെയർബ്രോക്കർമാരുടെ നിര ഒരുവശത്ത്.

കോട്ടക്, ഷേർഖാൻ, മോത്തിലാൽ ഓസ്വാൾ മുതൽ ഷെയർവെൽത്തും ക്യാപ്റ്റോക്കും അക്യുമെന്നും അടക്കം പതിറ്റാണ്ടുകളായി സേവനം നൽകുന്ന ഫുൾ സർവീസ് ബ്രോക്കർമാർ മറുവശത്ത്. ഓഹരി ഇടപാടുകാരിൽ പലർക്കും ഇവരിൽ ആരുടെ സേവനമാണ് തിരഞ്ഞെടുക്കേണ്ടതെന്ന സംശയം ഉണ്ടാകാം.

ഓഹരി വിപണി നിയന്ത്രിക്കുന്ന സെബിയുടെ മാർഗനിർദേശങ്ങൾക്കനുസരിച്ച്, സ്റ്റോക് എക്സ്ചേഞ്ചുകളിലെ എല്ലാ ഇടപാടുകളും ഒരു ബ്രോക്കറേജ് ഹൗസ് വഴിയേ നടത്താനാകൂ. നമുക്കു വേണ്ടി എക്സ്ചേഞ്ചിൽ വ്യാപാരം നടത്തുവാനുള്ള ഇടനിലക്കാരാണ് ബ്രോക്കർമാർ. ഓഹരി മാത്രമല്ല മ്യൂച്വൽ ഫണ്ട്- ഇടിഎഫ് ഇടപാടുകളും ഇവർ വഴി നടത്താം. ട്രഡീഷനൽ ബ്രോക്കർ, ഡിസ്കൗണ്ട് ബാക്കർ എന്നിങ്ങനെ നിലവിൽ രണ്ടുതരം ബ്രോക്കർമാരുണ്ട്. രണ്ടിന്റെയും സേവനങ്ങളിൽ കാര്യമായ വ്യത്യാസം ഉണ്ട്.

ട്രഡീഷനൽ ബ്രോക്കർ

ഓഹരി ഇടപാടു നടത്താൻ സഹായിക്കുന്നതിനൊപ്പം ഓഹരി, ഇൻഷുറൻസ്, ബോണ്ട്, ഐപിഒകൾ എന്നിവയടക്കമുള്ള നിക്ഷേപ മാർഗനിർദേശങ്ങൾ, ഗവേഷണം, നികുതി ലാഭിക്കൽ ശുപാർശ റിട്ടയർമെന്റ് പ്ലാനിങ് ഉപദേശം, അസെറ്റ് മാനേജ്മെന്റ് സേവനങ്ങൾ, ഫോറെക്സ്, പെൻഷൻ ആസൂത്രണം എന്നിവയിൽ സഹായിക്കുന്നു.