സുവർണകാലം സുന്ദരമാക്കാം

മികച്ച റിട്ടയർമെന്റ് പ്ലാനുകളെ പരിചയപ്പെടാം. ചിട്ടയായ നിക്ഷേപവും റിട്ടയർമെന്റ് കാലത്തെ സാമ്പത്തിക സുരക്ഷയും ഇവ ഉറപ്പുവരുത്തുന്നു

- അനിൽ കുമാർ

 പേരക്കുട്ടിയോടൊപ്പം കളിച്ചിരിക്കവേ പൊട്ടിയ അമ്മയുടെ താലിമാല നന്നാക്കാൻ അടുത്ത ശമ്പളം കിട്ടും വരെ കാത്തിരിക്കാൻ പറയുന്ന മകനും മരുമകളും വെറും സിനിമാക്കഥയല്ല. ഇത്തരം അവസ്ഥകൾ നമുക്കു ചുറ്റും വർധിച്ചു വരികയാണ്.

താമസത്തിനും ഭക്ഷണത്തിനും മറ്റുള്ളവരെ ആശ്രയിക്കുന്നതിനൊപ്പം നിബന്ധനകളുടെ വേലിക്കെട്ടിൽ ഒതുങ്ങി ജീവിക്കേണ്ടി വരുന്ന വാർധക്യങ്ങളും ഇവിടെയുണ്ട്. ജീവിതസായാഹ്നത്തിലെ ഇത്തരം അവസ്ഥകളിൽനിന്നു രക്ഷനേടാൻ പരിധിവരെ സഹായിക്കുന്നവയാണ് റിട്ടയർമെന്റ് പ്ലാനുകൾ. ഇവയെ മൂന്നു വിഭാഗങ്ങളായി തിരിക്കാം.

1. പെൻഷൻ പോളിസികൾ

നിശ്ചിത പ്രായം മുതലോ, പദ്ധതിയിൽ ചേർന്നു നിശ്ചിത കാലാവധി ക്കുശേഷമോ, സ്ഥിരവരുമാനമായി പെൻഷൻ ലഭ്യമാക്കുന്ന പദ്ധതികളാണിവ. പോളിസി ഉടമയുടെ ആവശ്യാനുസരണം, വാർഷിക/അർധവാർഷിക തൈമാസമാസ തവണകളായി പെൻഷൻ കിട്ടും. തുടർ പ്രീമിയമായോ ഒറ്റത്തവണയായോ (സിംഗിൾ പ്രീമിയം സ്വരൂപിക്കുന്ന തുകയുടെ (പെൻഷൻ കോർപ്പസ്), നിശ്ചിത ശതമാനമായിരിക്കും പെൻഷൻ തുക. വയസ്സ്, പെൻഷൻ ഓപ്ഷനുകൾ എന്നിവ അനുസരിച്ച് ഇതിൽ വ്യത്യാസമുണ്ടാകാം.

ഇതിൽ രണ്ടുതരം പെൻഷൻ പദ്ധതികളുണ്ട്.

1) ഇമ്മീഡിയറ്റ് ആന്വിറ്റി: ഒരു തുക ഒന്നിച്ചടച്ച് അടുത്ത മാസം മുതൽ പെൻഷൻ ലഭ്യമാക്കുന്നു.

2) ഡെഫേർഡ് ആന്വിറ്റി: തുടർച്ചയായി പ്രീമിയം അടയ്ക്കുകയും നിശ്ചിത വയസ്സിനു ശേഷം പെൻഷൻ നൽകുകയും ചെയ്യുന്ന പദ്ധതി. ഇവിടെ ചേരുമ്പോഴുള്ള പ്രായം, പെൻഷൻ ലഭിച്ചുതുടങ്ങേണ്ട വയസ്സ്, പെൻഷനായി ലഭിക്കേണ്ട തുക എന്നിവയെല്ലാം പ്രധാനമാണ്. നിക്ഷേപകനെ സംബന്ധിച്ച് നേരത്തേ തുടങ്ങി തുടർച്ചയായി പ്രീമിയമടയ്ക്കുന്ന ഡെഫേർഡ് ആന്വിറ്റി പദ്ധതികളായിരിക്കും ആദ്യത്തേതിനെക്കാൾ ലാഭകരം.

അഞ്ചുതരം പെൻഷൻ ഓപ്ഷനുകൾ

1. ജീവിതകാലം മുഴുവൻ പെൻഷൻ ലഭിക്കുന്ന ലൈഫ് ആന്വിറ്റി ഓപ്ഷൻ.

2. ജീവിതകാലം മുഴുവൻ പെൻഷനും മരിക്കുമ്പോൾ പ്രീമിയം തുക (നിക്ഷേപം) തിരികെ (നോമിനിക്ക്) ലഭിക്കുകയും ചെയ്യുന്നതരം ലൈഫ് ആന്വിറ്റി.

3. പോളിസിയുടമയുടെ മരണശേഷം പങ്കാളിക്ക് ജീവിതാവസാനം വരെ പെൻഷൻ ലഭിക്കുന്ന ലാസ്റ്റ് സർവൈവർ ആന്വിറ്റി.

4. പോളിസിയുടമയുടെ മരണശേഷവും പങ്കാളിക്കു പെൻഷനും പങ്കാളിയുടെ മരണശേഷം നിക്ഷേപം തിരികെ (നോമിനിക്ക് ലഭിക്കുകയും ചെയ്യുന്ന ലാസ്റ്റ് സർവൈവർ ആന്വിറ്റി.