ആളു മാറിയാൽ കച്ചവടവും മാറും

ആളുകൾക്ക് ഇന്നു നിരവധി ചോയ്സുകൾ ഉണ്ട്. നിങ്ങളുടെ കടയിൽ തന്നെ സ്ഥിരമായി വന്ന് വാങ്ങിക്കൊള്ളണമെന്നില്ല.

- കെ. കെ. ജയകുമാർ

എന്നും വൈകുന്നേരമാകുമ്പോൾ മകളുടെ വക വാട്സാപ് സന്ദേശം എത്തും. ബേക്കറിയിൽ നിന്ന് വാങ്ങിക്കൊണ്ടുചെല്ലാനുള്ള വകകളുടെ ലിസ്റ്റാണ്. പിറകെ അമ്മയുടെ വക അപ്ഡേറ്റും ഉണ്ടാകും. ബേക്കറിയിൽ കയറും മുൻപ് രണ്ടു പേരോടും സംസാരിച്ചിട്ടു വാങ്ങിയില്ലെങ്കിൽ വീട്ടിലെത്തുമ്പോൾ പുകിലാകും എന്നതിനാൽ അതാണു പതിവ്.

ഞാൻ വണ്ടിയൊതുക്കി. നിരനിരയായി പല ബേക്കറികളുണ്ട്. തിരക്കുനോക്കി ഒഴിവുള്ള ബേക്കറിയിൽ നിന്നു വാങ്ങാറാണു പതിവ്. ഫോണിൽ സംസാരിച്ചു കൊണ്ടു നടന്നതിനാൽ നല്ല തിരക്കുള്ള ബേക്കറിയിലേക്ക് തന്നെ അറിയാതെ കയറി. തിരക്കു കണ്ട് പതിയെ പുറത്തേക്കിറങ്ങാൻ തുടങ്ങിയപ്പോൾ കൗണ്ടറിൽ നിൽക്കുന്ന പയ്യൻ ചിരിച്ചുകൊണ്ട് ഇപ്പോൾ തരാം സർ എന്നു പറഞ്ഞു.