ബ്രൊമീലിയാഡ്സ് തണലിലെ വർണപ്പകിട്ട്

ഇനങ്ങളും പരിപാലനരീതികളും

- ജേക്കബ് വർഗീസ് കുന്തറ

കൈതച്ചക്ക കുടുംബ (ബാമീലിയാഡ്) ത്തിലെ അലങ്കാരച്ചെടികളായ ഗുസ്മാനിയ, നിയോ റിഗേലിയ, ബിൽബേജിയ, ക്രിപ്റ്റാന്തസ് എന്നിവയെല്ലാം തന്നെ മനോഹരമായ പൂക്കൾ അല്ലെങ്കിൽ ഇലകളുമായി പൂന്തോട്ട പ്രേമികളുടെ ഹൃദയം കവരുന്നു. പിങ്ക്, ചുവപ്പ്, മഞ്ഞനിറങ്ങളിലുള്ള പൂക്കൾ അതിമനോഹരം. പൂവിടാത്ത ഇനങ്ങളുടെ ഇലകൾക്കാവട്ടെ, ഭംഗിയിൽ പൂക്കളെ വെല്ലുന്ന ആകൃതിയും നിറങ്ങളും അംഗപ്പൊരുത്തവും. ഇവയെല്ലാം പാതി തണൽ കിട്ടുന്ന വരാന്തയിലും ബാൽക്കണിയിലും ചട്ടിയിൽ വളർത്താൻ യോജ്യം. എയർ പ്ലാന്റ്സ് എന്നു വിളി പ്പേരുള്ള റ്റില്ലാൻസിയ ജനസ്സും ഇതേ കുടുംബത്തിലെ അംഗമാണ്. എല്ലാം ആമസോൺ കാടുകളിലെ മരങ്ങളുടെ ചോലയിൽ, നല്ല വളക്കൂറുള്ള മണ്ണിൽ, നിലത്തും മരപ്പൊ ത്തിലുമെല്ലാം സ്വാഭാവികമായി വളരുന്നു. ഇവയുടെ കാഴ്ച ഭംഗിയുള്ള സങ്കരയിനങ്ങളാണ് നട്ടുവളർത്തുന്നത്.